2020 jyldyń sońyna qaraı Qytaı 600 mln astam koronavırýs vaktsınasyn óndirmek

BEIJІŃ. QazAqparat - Qytaı 2020 jyldyń sońyna deıin koronavırýsqa qarsy vaktsınanyń 610 mıllıon dozasyn, al 2021 jyly 1 mıllıardtan astam dozany óndiredi. Bul týraly QHR Densaýlyq saqtaý isteri jónindegi memlekettik komıssııanyń medıtsınalyq ǵylym men tehnologııalardy damytý ortalyǵynyń dırektory Chjen Chjýnveı málim etti, dep habarlaıdy QazAqparattyń menshikti tilshisi. «Qytaıdyń koronavırýs vaktsınalaryn shyǵarýdaǵy óndiristik qýaty 2020 jyldyń sońyna qaraı 610 mıllıon dozany jáne 2021 jyly 1 mıllıardtan astam dozany quraıdy», - dedi Chjen Chjýnveı.

Sonymen birge, sheneýnik halyqty vaktsınatsııalaý kezeń-kezeńimen, eń aldymen koronavırýsty juqtyrý qaýpi joǵary adamdar, atap aıtqanda «aldyńǵy qatardaǵy» medıtsına qyzmetkerleri men halyqtyń osal toptarynyń ókilderi (olardyń qataryna qart adamdar, júkti áıelder, balalar kiredi) basymdyq retinde júrgiziletinin atap ótti.

Qytaıdyń aýrýlardy baqylaý jáne aldyn alý ortalyǵynyń ókili Tszen Gýannyń aıtýynsha, qytaılyq koronavırýs vaktsınalary adamnyń ımmýndyq júıesin salystyrmaly túrde uzaq ýaqyt qorǵaı alady.

Avtory: Rýslan Súleımenov