2020 jyldyń ekinshi jartysynda Qazaqstan munaı óndirýdi qysqartýdy jalǵastyrady

NUR-SULTAN. QazAqparat - QR Úkimeti «Eksporttyq kólemderge proportsıonaldy orta, iri jáne alyp ken oryndary úshin jer qoınaýy ýchaskelerin paıdalanýǵa ýaqytsha shekteýler engizý týraly» Qaýly qabyldady, dep habarlaıdy primeminister.kz.

Qabyldanǵan tásil QR ishki naryǵynyń munaı ónimderiniń qajetti kólemine degen qajettiligin, sondaı-aq óndirýdiń tabıǵı tómendeýi kezeńindegi iri jobalar men eski ken oryndary úshin munaı óndirýdi azaıtý jónindegi mindettemelerdi ádil bólýdi qamtamasyz etýge múmkindik beredi.

Qabyldanyp jatqan sharalar qazaqstandyq ken oryndarynyń apattyq toqtaý qaýipterin qysqartýǵa jáne qazaqstandyq munaı eksportynan keletin aqsha qarajatynyń turaqty túsýin qamtamasyz etýge jol ashady.

Qazaqstanda jáne basqa elderde munaıdy qysqartý boıynsha buǵan deıin qabyldanǵan sharalardyń arqasynda munaı baǵasynyń dınamıkasynda oń úrdis (23.06.2020 j. jaǵdaı boıynsha Brent markasynyń baǵasy 42,23 doll/barr qurady) jáne munaı naryǵyndaǵy teńgerimsizdiktiń azaıýy baıqalady.