2020 jyldary Tıbetke 35 mln týrıst keledi
LHASA. QazAqparat - Týrızm - Tıbet avtonomııalyq aýdany ekonomıkasynyń basty salasy. Odan keletin kiris óńirdiń JІÓ-sinen 20 paıyz kóp.
Bul mekenge keletinderdiń basym kópshiligi QHR azamattary, 5 paıyzdan azy ǵana - sheteldikter. 2020 jylǵa qaraı Tıbetke keletin týrıster aǵynyn jylyna 35 mln adamǵa deıin jetkizý kózdelip otyr. Bul týraly 3-shi halyqaralyq mádenı-týrıstik jármeńkesinde QazAqparat tilshisi Sadyq Akıjanovqa bergen suhbatynda TAA Týrızmdi damytý jónindegi komıssııa jetekshisiniń orynbasary Van Sýnpın málim etti.
«2016 jyldyń birinshi jartysynda Tıbetke 6,8 mln adam keldi. Ol byltryǵy osy kezeńdegi kórsetkishten 31,9%-ǵa artyq. Bul óńirge 7 mlrd ıýan kiris ákeldi (shamamen 1,05 mlrd dollar - red). Jyl sońyna qaraı Tıbetti tamashalaǵandar sany 17 mln adamǵa jetedi. 2020 jyldary biz Tıbetke týrıster aǵynyn 35 mln adamǵa jetkizýdi kózdep otyrmyz», - dedi Van Sýnpın Lhasa qalasyndaǵy ashylǵan TAA ákimshilik ortalyǵynda turyp.
Onyń aıtýynsha, Tıbetke týrıster aǵynynyń artýy 2006 jyly «Tsınhaı-Tıbet» temir joly paıdalanýǵa berilgen soń bastalǵan. Oǵan deıin týrıster sany jylyna 400 adamnan aspaǵan.
Tıbettegi 3-shi halyqaralyq mádenı-týrıstik jármeńkege 400-den astam sheteldik qonaqtar jınaldy, olardyń qatarynda Shrı-Lankı, Nepal, Aýǵanstan, Pákistan, Japonııa, Maldıva elshileri, jýrnalısteri jáne 15 eldiń kásipkerleri boldy.
