2020 jyldan keıin Qazaqstanda munaı óndirý kólemi tómendeýi múmkin
ASTANA. QazAqparat - 2020 jyldan keıin Qazaqstanda munaı óndirý kólemi tómendeýi múmkin. Bul týraly búgin Astanada «Kazenergy» qaýymdastyǵynyń 2013 jyl boıynsha Ulttyq energetıkalyq baıandamasyn tanystyrý barysynda atalǵan qaýymdastyqtyń Bas dırektory Áset Maǵaýov málim etti.
«Bizdiń boljam boıynsha Qazaqstanda munaı óndirý artatyn bolady. Bolashaqta 2020 jylǵa qaraı ósim 120-130 mln. tonnaǵa deıin ósedi. Budan keıin belgili bir kólemde munaı óndirý kólemi tómendeıdi. Bul Qazaqstannyń iri ken oryndarynda óndirý kóleminiń tómendeýine baılanysty bolady», - dedi Á. Maǵaýov.
Osy oraıda ol qaýymdastyq geologııalyq barlaý salasyna ınvestıtsııa tartý kólemin kúsheıtý kerektigin alǵa tartyp otyrǵandyǵyn atap ótti. Óıtkeni, sońǵy onjyldyqta munaı salasyna baǵyttalǵan negizgi ınvestıtsııalar buryn ashylǵan ken oryndaryn ıgerýge jumsalýda.
«Geologııalyq barlaý kezeńine ınvestıtsııalar joqtyń qasy. Eger de Úkimet tarapynan tıisti sharalar atqarylmasa, onda aldaǵy ýaqytta munaı óndirý kólemi tómendeýi yqtımal»,- dedi Á. Maǵaýov.
