2020 jyldan bastap jumyssyzdyq deńgeıi 5 paıyzdan aspaıtyn bolady - N. Nazarbaev
ASTANA. Qańtardyń 29-y. QazAqparat /Aıdar Ospanálıev/ - 2020 jyldan bastap eldegi jumyssyzdyq deńgeıi 5 paıyzdan, al kiristeri kúnkóris sheginen tómen azamattar sany 8 paıyzdan artpaıtyn bolady.
Áleýmettik qyzmetter tek oǵan zárý azamattarǵa ǵana kórsetiledi. Bul týraly búgin, bıylǵy dástúrli Joldaýynda Memleket basshysy Nursultan Nazarbaev málim etti, dep habarlaıdy QazAqparat.
Prezıdenttiń aıtýynsha, áleýmettik qyzmetterdiń sapasy qazirgi zamanǵy standarttarmen Qazaqstandaǵy ómir súrý deńgeıine sáıkes bolýy kerek. «Al biz bolsaq baıǵa da, baqýattyǵa da birdeı qyzmet kórsetip kelemiz. Bul máselemen myqtap aınalysý kerek», dedi Elbasy.
Memleket basshysy, sondaı-aq 2015 jyly bazalyq zeınetaqy tólemderi eń tómengi jalaqynyń 60 paıyzyn, al memlekettik áleýmettik ótemaqylar 1,2 esege artýy kerektigin atap ótti.
