2020 jyldan bastap jeke tulǵanyń atyna taýar ákelýdegi shekteý ózgertiledi

NUR-SULTAN. QazAqparat - 2020 jyldan bastap jeke tulǵanyń atyna taýar ákelýdegi shekteý ózgertiledi, dep habarlaıdy QazAqparat Memlekettik kirister komıtetine silteme jasap.

2020 jyldan bastap Eýrazııalyq ekonomıkalyq odaq aýmaǵynan tys elderden bir jeke tulǵa aıyna quny 200 eýrodan jáne salmaǵy 31 keliden aspaıtyn taýarlardy tegin ákele alady.

Taýardyń quny jáne salmaǵy belgilengen normadan asyp ketse, onyń baǵasynan 15% tólem alynady. Biraq, baj salyǵy 1 keli úshin 2 eýrodan kem bolmaıdy.

Qazirgi ýaqytta 2019 jyldyń sońyna deıin quny 500 eýro jáne 31 kelige deıin taýar ákelýge bolady, biraq baj salyǵy taýar qunynyń 30%-yn jáne 1 keli úshin kemi 4 eýrony quraıdy.

«Mysaly, sheteldik ınternet-dúkennen tapsyryspen alynǵan sálemdeme. Quny – 300 eýro jáne salmaǵy 31 kelige jetpeıdi. 100 eýroǵa asyp ketti. Baj salyǵy - 15%. Baǵasy asyp ketkeni úshin 15 eýro baj salyǵyn tólep, jolaýshylarǵa arnalǵan kedendik deklaratsııany tapsyrý kerek. Salmaǵy 35 keli, baǵasy 200 eýrodan az sálemdeme. 4 keli asyp ketti. Baj salyǵy – bir keli úshin 2 eýro. 8 eýro baj salyǵyn tólep, jolaýshylarǵa arnalǵan kedendik deklaratsııa tapsyrý qajet, - delingen habarlamada