2020 jyldan bastap Ulttyq qordan kepildendirilgen transfert kólemi 880 mlrd. teńgege qysqarady
«Mınıstrlik júrgizip otyrǵan bıýdjettik saıasat memlekettik qarjynyń turaqtylyǵyn qamtamasyz etýge jáne ekonomıka ósimine kómek kórsetýge baǵyttalǵan. Aǵymdaǵy jyly mınıstrlik Ulttyq qordyń jańa tujyrymdamasyn júzege asyrýǵa kiristi», - dedi ol.
Onyń aıtýynsha, úshjyldyq kezeńde Ulttyq qordyń aktıvterin turaqtandyrý maqsatynda ony paıdalanýda birshama qysqartý josparlanyp otyr.
«3 jyl boıy Ulttyq qordan kepildendirilgen transfert kólemi 2020 jyldan bastap 880 mlrd. teńgege, 2 trln. teńgege deıin qysqaratyn bolady. Osyny eskere otyryp, aǵymdaǵy jyldyń tamyzynda 2018-2020 jyldarǵa arnalǵan respýblıkalyq bıýdjetti qalyptastyrý aıasynda mınıstrlik bıýdjet parametrleri men qysqamerzimdi kezeńde Ulttyq qordyń boljamyn aıqyndaıtyn bolady», - dedi Súleımenov.
Sonymen qatar ol bıýdjettik saıasattyń basty mindetteriniń biri memlekettik shyǵystardyń tıimdiligin arttyrý ekendigin basa aıtty.
