2020 jyldan bastap lombard qyzmetine ózgerister enedi
NUR-SULTAN. QazAqparat – 2020 jyldyń 1 qańtarynan bastap lombardtar nesıe bıýrosyna barlyq kepildik múlik týraly málimet berýge mindetteledi, dep habarlaıdy QazAqparat tilshisi.
«Іshki ister mınıstrligi Ulttyq bankpen birlesip, lombardtardyń qyzmetin uıymdastyrý qaǵıdalaryn ázirlep, bekitti. Onda lombardta zattardy saqtaý, qaýipsizdikti qamtamasyz etý boıynsha talaptardy anyqtaý tártipteri kórsetilgen. Engizilgen ózgeristerge sáıkes, 2020 jyldyń 1 qańtarynan bastap lombardtyq uıymdar mıkronesıeleý uıymdaryna sanatyna jatqyzylady. Osy qaǵıdalarǵa saı, lombardtar nesıe bıýrosyna barlyq kepildik múlik týraly málimet berýge mindetteledi. Al polıtsııa bólimshelerine jymqyrylǵan múlik pen qoıylǵan kepil nysanyn tekserý úshin osy bıýro qoljetimdi bolady», - dedi ІІM Qylmystyq polıtsııa departamentiniń basqarma bastyǵy Nurjan Rahmetýllaev vedomstvoda ótken baspasóz máslıhatynda.
ІІM ókiliniń aıtýynsha, urlanǵan zattardyń kóbi (zergerlik buıymdar, turmystyq tehnıkalar) lombardtarǵa ótkiziledi. Mine, sol sebepti, Іshki ister mınıstrligi urlyq jaǵdaılaryn aýyzdyqtaý úshin lombardtarǵa ótkizilgen zattardy teksermek.
