2020 jyldan bastap Qazaqstanda barlyq adamdar tabystary men múlikterin deklaratsııalaıtyn bolady

Búgin QR Parlamenti Májilisiniń qaraýyna «Qazaqstan Respýblıkasynyń keıbir zańnamalyq aktilerine jeke tulǵalardyń tabystary men múlkin deklaratsııalaý máseleleri boıynsha ózgerister men tolyqtyrýlar engizý týraly» zań jobasy engizildi.

«Ókinishke qaraı, elimizde qoldanylatyn ákimshilendirý júıesi barlyq jeke tulǵalardyń tabysy mene múlkiniń shyqqan kózderine tıimdi baqylaýdy qamtamasyz etýge múmkindik bermeıdi. Sebebi, tabystar men múlik týraly deklaratsııany adamdardyń jekelegen toby ǵana tapsyrady. Olardyń qatarynda memlekettik qyzmetshiler, depýtattar jáne sýdıalar bar. Sondyqtan jeke tulǵalardyń tabystary men múlikterin jalpyǵa birdeı deklaratsııalaýǵa kóshirý týraly sheshim qabyldandy»,-dedi QR Qarjy mınıstri Baqyt Sultanov.

Onyń sózine qaraǵanda, zań jobasymen tabystar men múlikti deklaratsııalaý júıesine kezeńdi ótý kózdelip otyr. Máselen, 2017 jylǵy 1 kezeńde jeke tulǵalardyń daıyndalǵan sanaty retinde memlekettik mekemeler, sondaı-aq ulttyq kompanııalar men memlekettik kásiporyndar qyzmetshileri deklaratsııany usynady. Kelesi kezeńde, ıaǵnı 2020 jyldan bastap barlyq qalǵan jeke tulǵalardyń aktıvteri men mindettemeleri týraly deklaratsııasyn tabys etý qarastyrylǵan.