2020 jyldan bastap kásipkerlerde MÁMS jarnalary men aýdarymdary qalaı ózgerdi
«Óz qyzmetkerleri úshin aqy tólep júrgenderdiń MÁMS stavkalary ulǵaıýda, sondaı-aq qyzmetkerler úshin jáne ózderi úshin jarnalar paıda bolady. Jumyskerler úshin jumys berýshiniń 2020 jyldan bastap aýdarymdar stavkasy 1,5-den 2 paıyzǵa deıin ósedi. Eger siz jeke kásipker jáne jeke praktıkamen aınalysatyn bolsańyz, onda 2020 jyldan bastap siz aı saıyn 1,4 ETJ-dan (eń tómengi jalaqy) 5% stavka boıynsha ózińiz úshin jarna tóleı bastaısyz. Sharýa qojalyqtary 1 ETJ-dan 5%, 2020 jyldyń 1 qańtarynan bastap, jarnalardy 3, 6 nemese 12 aıǵa avanspen tóleýge bolady», - delingen atalǵan departament málimetinde.
Atap aıtqanda, eger siz jeke tulǵa azamattyq quqyqtyq sıpattaǵy sharty boıynsha jumys isteıtin bolsańyz, onda 2020 jyldyń 1 qańtarynan bastap aı saıyn sharttyń qoldanylý merzimi ishinde sizdiń tabysyńyz boıynsha 2020 jyly shart boıynsha alynatyn tabystyń 1%-yn kórsetiletin qyzmetti alýshy (salyq agenti) ustap qalady jáne aýdarady.
Eger siz jumyssyz bolsańyz, onda siz 2020 jyldyń 1 qańtarynan bastap 1 AEK-niń 5%-yn 2020 jyly ózdigińizben tóleısiz. Biraq BJT qatysýshysy retinde salyq esebine turý kerek jáne qala úshin 1 AEK – 2 651 teńge, aýyl úshin aıyna 0,5 AEK – 1326 teńge, oǵan barlyq salyqtar men tólemder kiredi (JTS, MZJ, áleýmettik aýdarymdary, MÁMS).
«2020 jyldyń 1 qańtarynan bastap jumys berýshi, aýdarymdardy tóleýden basqa, qyzmetkerdiń jarnalar (qyzmetkerdiń tabysynan) esepteý obektisinen 1% mólsherinde ustap jáne tólep turady; jarnalardy esepteý obektisi eseptelgen tabys bolady; bul rette, jarnalardy esepteý úshin alynatyn aı saıynǵy nysan jeke tulǵanyń kiristerdiń barlyq túrleriniń somasy boıynsha eseptelýi tıis jáne 10 ETJ-dan aspaýy tıis», - dep atalyp ótken habarlamada.
