2020 jyldan bastap Beıjiń turǵyndary suryptalmaǵan qoqys úshin aıyppul tóleıdi

BEIJІŃ. QazAqparat – 2020 jyldyń mamyrynan bastap Qytaı astanasynda qoqysty jeke jınaý júıesi iske qosylmaq. Jergilikti zań shyǵarýshy organ «Turmystyq qaldyqtardy suryptaý týraly erejege» sáıkes túzetýler engizdi, dep habarlaıdy QazAqparattyń menshikti tilshisi.

Turmystyq qoqystar tórt sanat boıynsha saralanady: azyq-túlik qaldyqtary, qaıta óńdeýge jaramdy zattar, qaýipti zattar jáne basqalar.

Beıjiń turǵyndary qoqysty suryptaý erejelerine baǵynbasa, 200 ıýan ($30), al uıymdar – 1 myńnan 50 myń ıýanǵa deıin ($7200) aıyppul tóleýge mindettelmek.

Erejege sáıkes, sýpermarketter, saýda ortalyqtary men bólshek saýda dúkenderine bir ret qoldanylatyn plastık paketterdi paıdalanýǵa tyıym salynady. Ony buzǵan jaǵdaıda 5-10 myń ıýan ($1420), qaıta buzsa – 50 myń ıýan ($7200) aıyppul tóleýge mindetteledi.

Budan bólek, qoǵamdyq tamaqtaný jáne taǵamdardy jedel jetkizý kásiporyndary, qonaqúı bıznesi ókilderi úshin bir ret qoldanylatyn plastık ydystardy paıdalanýǵa shekteý qoıylmaq.

Jergilikti BAQ málimetinshe, bul sharalar Qytaıda qoqys úıindisiniń úlken aýmaqty qamtyp, turmystyq qaldyqtardy joıý oryndarynyń tar bolýyna baılanysty bolyp otyr. QHR bıligi 2020 jyldyń sońyna deıin 46 qalada qoqystardy suryptaý júıesin engizýdi josparlaýda.