2020 jyldan bastap Belarýs ókili UQShU Bas hatshysy laýazymyna kirisedi

BІShKEK. QazAqparat – UQShU-ǵa múshe elderdiń basshylary 2020 jyldan bastap Uıymnyń Bas hatshysy laýazymyna Belarýs ókili Stanıslav Zasti bekitti. Bul týraly Bishkekte ótken brıfıngte UQShU Bas hatshysynyń mindetin atqarýshy Valerıı Semerıkov málim etti, dep habarlaıdy QazAqparat tilshisi.

«Otyrys barysynda Bas hatshyny taǵaıyndaýǵa qatysty másele qaraldy. Búgin memleket basshylary (UQShU-ǵa múshe elderdiń) 2020 jyldyń 1 qańtarynan bastap osy laýazymǵa taǵaıyndalǵan Belarýs ókili Stanıslav Zasti quttyqtady», - dedi Semerıkov Bishkekte UQShU Ujymdyq Qaýipsizdik keńesi sessııasynyń otyrysynan keıingi brıfıngte.

Osy oraıda ol taǵaıyndaý týraly bul qadam 2015 jyldaǵy Ujymdyq qaýipsizdik keńesi sheshimin oryndaý aıasynda iske asyrylǵanyn atap ótti. Bul sheshimde orys alfavıtine sáıkes aýyspaly negizde bas hatshylardy taǵaıyndaý tártibi reglamenttelgen.

«Buǵan deıin bul qyzmette Armenııa ókili boldy. 2020 jyldyń 1 qańtarynan bastap Belarýstiń kezegi keldi, sáıkesinshe bul laýazymǵa Belarýs ókili taǵaıyndaldy», - dep túsindirdi Semerıkov.

Aıta keteıik, qazirgi ýaqytta UQShU Bas hatshysynyń mindetin atqarýshy qyzmetin V. Semerıkov oryndap keledi.