2020 jylda biz ishki suranysty sapaly janar-jaǵar maımen tolyǵymen qamtamasyz etemiz - U.Qarabalın

ASTANA. 9 qazan. QazAqparat - 2020 jylǵa deıin biz kezeń-kezeńimen Qazaqstannyń ishki suranysyn sapaly janar-jaǵar maımen qamtamasyz etemiz.

Bul týraly búgin «KAZENERGY» qaýymdastyǵynyń VIII Eýrazııalyq forýmynda jastarmen kezdesken QR Munaı jáne gaz mınıstri Uzaqbaı Qarabalın málim etti. «Búginde Qazaqstandaǵy úsh munaı óńdeý zaýytyn jańartý boıynsha arnaıy baǵdarlama qabyldandy. Osy jumystyń nátıjesinde atalǵan kásiporyndar Eýro - 4 jáne 5 standartyna saı keletin munaı ónimderin shyǵaratyn bolady. Bizdiń esebimizge sáıkes, 2016 jylǵa qaraı zaýyttardy jańartý jumystary aıaqtalady. Sodan bastap 2020 jylǵa deıin biz kezeń-kezeńimen joǵary sapaly janar-jaǵar maıdy óndirý kólemin arttyryp, elimizdiń ishki suranysyn tolyǵymen óteıtin bolamyz», - dep atap kórsetti U.Qarabalın.