2020 jyl úshin tólenetin kólik salyǵy óspeıdi - Memlekettik kirister komıteti

NUR-SULTAN. QazAqparat – Kólik salyǵyn tóleý esepti jyldan keıingi jyldyń 1 sáýirine aýystyrylǵandyqtan 2020 jyl úshin kólik salyǵy óspeıdi, dep habarlaıdy QazAqparat QR Qarjy mınıstrligi Memlekettik kirister komıtetine silteme jasap.

Kólik salyǵyn tóleý esepti jyldan keıingi jyldyń 1 sáýirine aýystyrylýyna baılanysty azamattar arasynda salyq kólemi ósedi degen túsinispeýshilik týǵan.
«Salyq tóleýshi ​​2020 jylǵa arnalǵan salyq mindettemelerin 2021 jyldyń 1 sáýirine deıin oryndaýy kerek. Tıisinshe, kólik salyǵynyń somasyn esepteý kezinde 2020 jylǵy 1 qańtardaǵy aılyq eseptik kórsetkishtiń mólsheri eskeriledi.
Eske sala keteıik, atalǵan merzimde AEK 2 651 teńge. ıAǵnı, salyq osy kórsetkishpen esepteledi. 2021 jylǵa arnalǵan kólik salyǵyn 2022 jyldyń 1 sáýirine deıin tólegen kezde 2021 jyldyń 1 qańtaryndaǵy AEK qoldanylady. Demek, 2020 jyl úshin kólik salyǵy óspeıdi», delingen habarlamada.