2020 jyl: Qyzylorda oblysyndaǵy eldiń esinde qalǵan oqıǵalar
Oblys ákimi taǵaıyndaldy
28 naýryzda Qyzylorda oblysyna ákim taǵaıyndaldy. Bul qyzmetke Gúlshara Ábdiqalyqova taǵaıyndaldy. Aıta keterligi, G. Ábdiqalyqova mundaı qyzmetke kelgen tuńǵysh áıel ákim retinde eldiń esinde qaldy. Ol kóptegen memlekettik laýazymdy qyzmetterdi atqardy. Eńbek jáne halyqty áleýmettik qorǵaý mınıstri, QR Prezıdenti janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń tóraǵasy, QR Premer-mınıstriniń orynbasary, Qazaqstannyń Memlekettik hatshysy, Májilis depýtaty bolǵan.
Oblysta byltyr kóptegen ıgi ister júzege asty. Syndarly sátte aımaǵymyzda qurylys jumysy toqtamaı, qarqyndy júrgizildi. Jyl basynan beri qalamyzda 580 páteri bar 15 turǵyn úı paıdalanýǵa berildi.
Oblysta 1-6 jastaǵy balalardy balabaqshamen qamtý jospary 81 paıyzdy quraýy kerek bolsa, 1 aıdaǵy nátıje 84,9%-ǵa jetken. Oblysta byltyr apatty mektepterdi joıý maqsatynda jańa 140 oryndyq bir mektep paıdalanýǵa berilip, endi 600 oryndyq mektep salynyp jatyr. 2021 jyly Aral aýdany, Sekseýil kentinde, Jańaqorǵan aýdany, Maıbeket móltek aýdanynda 300 oryndyq mektepter el ıgiligine beriledi dep josparlanyp otyr. Munan bólek, Aral qalasyndaǵy №71 mekteptiń qurylysy bastalady. Al, Qyzylorda qalasynan «Báıterek» jáne «Saıahat» móltek aýdandarynda mektep qurylystary iske asýda.
Qaterli indet kúres tolastamaıdy
Qyzylorda oblysynda koronavırýs ınfektsııasyn juqtyrǵan adam alǵash ret 28 naýryz kúni tirkeldi. Alǵashqy ýaqytta óńirde qaterli indetke shaldyqqan adamdar sany birden artyp, elimiz boıynsha úshinshi orynǵa deıin kóterildi.
Búginde oblysta koronavırýs boıynsha epıdemıologııalyq jaǵdaı turaqty. Medıtsınalyq uıymdar shtattyq rejımde jumys isteýde, 3 500 medıtsına qyzmetkerinen turatyn rezerv quryldy. Jaqyn kúnderde oblys ortalyǵynda 200 oryndyq modýldi juqpaly aýrýlar aýrýhanasy el ıgiligine aınalatyn bolady. Oblystyq kópbeıindi jáne Qazaly aýdanaralyq aýrýhanalarynda ottegi stantsııalary salyndy. Ókpeni jasandy jeldetý apparattarynyń sany artty. Oblysta epıdjaǵdaı ýshyqqan jaǵdaıda 3000 tósektik 21 ınfektsııalyq jáne provızorlyq statsıonar qaıta ashylady.
Darııa deńgeıi dıqandy alańdatty
Qyzylorda oblysy dıqandary byltyr darııadaǵy sý tapshylyǵy zardabyn tartty. Qyrǵyzstandaǵy Toqtoǵul sý qoımasynda byltyr 18 mlrd tekshe metr sý bolsa, bıyl ol 12 mlrd tekshe metr ǵana boldy. Sol sııaqty Ózbekstannan keletin sýdyń Shardara sý qoımasyndaǵy mólsheri 2019 jylmen salystyrǵanda 1,1 mlrd tekshe metrge az bolǵan.
Osyndaı qıyndyqtarǵa qaramastan oblysta egis jaqsy shyqqan. Dıqandar 551 myń tonna kúrish jınady. Bul 2019 jylmen salystyrǵanda salystyrǵanda 15 myń tonnaǵa kóp.
Aldaǵy ýaqytta oblysta egisti ártarapdandyrý máselesi kún tártibinde tur. Kúrish alqabyn 80-85 myń gektar deńgeıinde saqtap, qalǵanyn basqa daqyldar úshin paıdalaný josparlanyp otyr.
Ilıa Ilın basshylyq qyzmetke keldi
Byltyr belgili aýyr atlet Ilıa Ilın sporttyq mansabyn aıaqtap, Qyzylorda qalasyndaǵy «Muz aıdyny» sport kesheniniń dırektory qyzmetine kiristi. 1988 jyly 24 mamyrda Qyzylorda qalasynda dúnıege kelgen aýyr atlet 2005, 2006, 2011, 2014 jyldary álemniń tórt dúrkin chempıony ataǵyna ıe boldy. Eki Olımpıadaǵa qatysyp, joǵary deńgeıde óner kórsetti.
«Bul sheshimdi qabyldaý maǵan ońaıǵa soqqan joq. Men Tokıo Olımpıadasyna qatysýdy aldyma maqsat etken edim. Degenmen atalǵan dodada belgili sebepterge baılanysty keıinge shegerildi. Sondyqtan men sportshy retinde kareramdy aıaqtap, endi atalǵan salada qyzmet atqarýdy durys dep sanadym. Osylaısha, sport salasynda menedjment máselesin jan-jaqty meńgersem deımin. Keleshekte bapkerlik qyzmetke kelýim de múmkin. Ony ýaqyt kórsete jatar. Qazirgi eń basty mindetim - jańa qyzmette ózimniń qabiletimdi jan-jaqty kórsete bilý», - dedi Ilıa Ilın.
Muhtar Nııazovtyń «Altyn dombyrasy»
Qyzylordalyq aıtys aqyny Muhtar Nııazov úshinshi márte «Altyn dombyra» ıegeri atandy. Aıta keteıik, atalǵan respýblıkalyq aıtys saıysy 2012 jyldan bastap dástúrli túrde ótkizilip keledi. Alǵashqy aıtystyń bas júldesin Muhtar Nııazov ıelengen bolaty.
2016 jylǵy Almatyda ótken el Táýelsizdiginiń 25 jyldyǵyna arnalǵan mádenı sharada ol ekinshi márte «Altyn dombyra» ıegeri atandy. Endi mine, byltyrǵy «Abaı taǵylymy – táýelsizdiktiń tiregi» taqyrybyn arqaý etken aqyndar aıtysynda úshinshi márte «Altyn dombyra» syılyǵy Muhtar Nııazovtyń enshisine buıyrdy.
Qyzylordada ótken «Altyn dombyrany» tabystaý saltanatynda oblys ákimi Gúlshara Ábdiqalyqova sańlaqqa sońǵy úlgidegi «Toyota Camri 70» avtokóliginiń kiltin tartý etti. «Altyn dombyra» oblystyq ólketaný murajaıyna qundy jádiger retinde qoıyldy.
