2020 jyl: Azyq-túlik qymbattap, ushaq bıleti arzandady
NUR-SULTAN. QazAqparat – 2020 jyly baǵa azyq-túlik taýarlaryna 11,3, azyq-túlik emes taýarlaryna 5,5, aqyly qyzmetterge 4,2 paıyzǵa joǵarylady. Mundaı derekti QR Strategııalyq josparlaý jáne reformalar agenttiginiń Ulttyq statıstıka bıýrosy usyndy, dep habarlaıdy QazAqparat tilshisi.
Vedomstvo málimetinshe, ótken jylda baǵanyń ósýi qumshekerge – 33,9, kúnbaǵys maıyna – 33,7, jarmalarǵa – 28,7, jumyrtqaǵa – 20, kartopqa – 16,8, unǵa – 16,3, jańa jınalǵan kókónisterge, qoı etine– 15,4, jańa jınalǵan jemisterge – 14,9, makaron ónimderine – 14,7, sary maıǵa – 13,6, jylqy etine – 11,9, máıekti irimshikke – 11,4, shaıǵa – 11,2, muzdatylǵan balyqqa – 10,1, sıyr etine – 10, sútke – 9,7, shoshqa etine – 8, nanǵa 5,9 paıyz deńgeıinde belgilendi. Temeki ónimderi – 14,9, mıneraldy jáne as sýy – 10,4, alkogoldi sýsyndar 7,8 paıyzǵa qymbattady. Baǵanyń tómendeýi taýyqtyń sıraǵyna – 5,7, sókke – 2,6, kúrishke 1,7 paıyz tirkeldi.
Baǵa ósimi altynnan jasalǵan zergerlik buıymdarǵa – 13, jýǵysh jáne tazalaǵysh quraldarǵa – 10,2, dári-dármekke – 9,9, jeke qoldanylatyn taýarlarǵa – 9,4, turmystyq aspaptarǵa – 8, avtomobılderge – 7,3, noýtbýkterge – 6,7, jıhaz jáne úıge qajetti zattarǵa – 6,6, ydys-aıaqqa – 6,1, kıim jáne aıaq kıimge 4,8 paıyzdy qurady. Tas kómir – 3,5, benzın 2,5 paıyz qymbattap, dızel otyny 6,6 paıyzǵa arzandady.
Baǵa deńgeıi quqyqtyq qyzmetterge, jeke kólik quraldaryn saqtandyrýǵa – 10, kınoteatrlar qyzmetterine – 8,1, shashtarazdar men sulýlyq salondar qyzmetterine – 7,2, qoǵamdyq tamaqtandyrý qyzmetterine – 6,9, densaýlyq saqtaý qyzmetterine – 6,3, monshaǵa – 5,7, jerleý qyzmetterine 5,6 paıyz ósti.Taksımen jol júrý aqysy – 6,8, jolaýshylardyń temirjol kóligimen 4,2 paıyz qymbattady, al áýe kóligimen 6,2 paıyzǵa arzandady.
Turǵyn úı-kommýnaldyq qyzmetter salasynda tarıfter qoqys shyǵarýǵa – 20,5, elektr energııasyna – 6,5, sýyq sýǵa – 1, ystyq sýǵa 0,7 paıyz ósti, al ortalyqtyn jylytýǵa – 2, kárizge1,4 paıyz tómendedi.
