2020 jyl: Aqtóbede qala ákimi aýysyp, dáriger Eńbek Eri atandy

AQTÓBE. QazAqparat – Aqtóbe oblysynda ekonomıkalyq turaqtylyq saqtaldy. Óńir ınvestıtsııa tartý kórsetkishi boıynsha elimizde úzdik úshtikke endi. Jyl ishinde shaǵyn jáne orta bıznestiń tabysy azaıǵanymen, memlekettik qoldaý eselendi. Ókinishtisi, óńirde qylmystyq is te kóp tirkeldi, dep habarlaıdy QazAqparat tilshisi.

Kásipkerlikti damytý

Aqtóbe oblysynda «Bıznestiń jol kartasy» baǵdarlamasyn iske asyrýǵa 5 mıllıard teńde bólinip, ıgerildi. Baǵdarlama aıasynda nesıe ústemaqysyn sýbsıdııalaý, kepildikter, granttar berý, ınfraqurylymdar júrgizý syndy jumystar atqaryldy.

Sóıtip óńirde kásipkerler sany ósti. Oblysta 60 myńǵa jýyq shaǵyn jáne orta bıznes sýbektisi bar. Bul ótken jylmen salystyrǵanda 2,7 paıyzǵa artyq.

Bıznes bastaǵandar arasynda jastardyń úlesi basym. Alǵash ret oblys ákiminiń granty bólindi. Qatysýshylarǵa 1-2 mln teńge aralyǵynda qarjylaı sertıfıkat tabystaldy.

Jobalar arasynda ulttyq naqyshta dástúrli buıym óndirý, mal sharýashylyǵyn damytý, múmkindigi shekteýli balalarǵa aqysyz qyzmet kórsetý, energetıkalyq sýsyndar óndirý, «Eko-buıymdar» ónimin shyǵarý, ishki týrızmdi damytyp, óńirimizdiń kıeli jerlerine týrısttik marshrýt uıymdastyrý syndy jobalar ozyq dep tanylǵan.

Kadrlyq rezerv

Aqtóbe oblysynda bıyl aýys-túıis kóp boldy. Naýryz aıynda sambodan úsh márte álem chempıony, eki dúrkin álem kýbogynyń ıegeri, dzıýdodan dúnıejúzilik birinshiliktiń qola júldegeri, QR eńbek sińirgen sport sheberi Ashat Shaharov Aqtóbe qalasynyń ákimi bolyp taǵaıyndaldy.

Keıin oblys ákiminiń eki orynbasary jańa qyzmetke kiristi. Onyń biri Prezıdenttiń jastar kadr rezervinen taǵaıyndaldy.

Sonymen birge Aqtóbe oblystyq densaýlyq saqtaý basqarmasynyń basshysy eki ret aýysty. Alǵashynda Samat Danııarov bolsa, qazir Rústem Isaev densaýlyq salasyna jaýapty.

Jeltoqsan aıynda taǵy bir oblys ákiminiń orynbasary taǵaıyndaldy. Sálimgereı Bekbergenov ınvestıtsııa tartý jumysyna jaýapty.

Laýazymdy qyzmetkerler jaýapqa tartyldy

Aqtóbe oblysy ákiminiń orynbasary Rýslan Mamýnovqa alǵashynda Qylmystyq kodekstiń «Alaıaqtyq» baby boıynsha aıyp taǵyldy.

Qazan aıynda Nur-Sultan qalasynyń mamandandyrylǵan aýdanaralyq qylmystyq sotynyń úkimimen Mamýnov kináli dep tanylyp, múlki tárkilenip, 12 jylǵa bas bostandyǵynan aıyryldy.

Sonymen birge Aqtóbe qalasy ákiminiń orynbasary isti boldy.

Memlekettik qyzmetkerler qoryqqa zańsyz kirgeni úshin ustalyp, tergeý júrdi.

30 mıllıard teńgeden astam shyǵyn keltirgen birneshe qarjy pıramıdasynyń uıymdastyrýshylaryna qatysty qylmystyq isti tergeý jumysy aıaqtalyp, qazir taraptar aıyptaý aktisimen tanysyp atyr.

Bul qylmystyq ister boıynsha 50 aıyptalýshy bar. Olardyń bir bóligi ustalsa, bir bóligi áli izdeýde júr.

Aqtóbe oblysy Temir aýdany Keńqııaq aýylynda oqýshy qyzdar tóbelesip, keıin olar bir-birinen keshirim surady.

Dál osy aýdanda eki muǵalim tóbelesip, bireýi mert boldy.

Shoshqa fermasyndaǵy daý

Aqtóbe oblysy Alǵa aýdany Bestamaq aýylynyń turǵyndary jaǵymsyz ıiske shaǵymdanyp, sharýashylyqtyń jumysyn toqtatýdy talap etti.

Keıin qylmystyq is qozǵalyp, tergeý bastaldy. Ekologtar sharýashylyq jumysynan birneshe zańbuzýshylyqty anyqtap, 7 mıllıard teńge aıyppul saldy.

Talap boıynsha aıyppul bir aı ishinde ótelýi tıis.

Іndetpen kúres jumysy

Aqtóbe oblysy boıynsha 3685 adam koronavırýs ınfektsııasyn juqtyrǵan. Onyń 96 paıyzy jazyldy. Kóbi - Aqtóbe qalasynyń turǵyndary.

Bıyl jaz aılarynda dári-dármek tapshy bolyp, keıbir dárihanada baǵa kóterildi. Arnaıy monıtorıng toby tekserý júrgizip, aıyppul salyndy.

Sonymen birge maska taqpaǵandar 83 myń teńgeden aıyppul tóledi.

Іndet órshigen kezde dárigerler óz ómirin qaterge tigip, adam janyn ólimnen arashalap qaldy.

Sonyń biri – marqum Qalıhan Qozbaǵarov. Prezıdent Jarlyǵymen Aqtóbe oblystyq ınfektsııalyq aýrýhananyń bas dárigerine Qazaqstannyń Eńbek Eri ataǵy berildi.

Abaıǵa eskertkish ornatyldy

Bıyl mereıtoılardy ótkizýge tyıym salyndy. Abaıdyń 175 jyldyǵyna arnaǵan mádenı kópshilik sharasy uıymdastyrylmady.

Esesine Aqtóbe qalasyndaǵy Abaı dańǵylyna uly aqynnyń eskertkishi ornatyldy.

Sonymen birge demeýshilerdiń qoldaýymen er Edigege eskertkish qoıyldy.

Odan bólek, Aqtóbe qalasynda Semeı ıadrolyq synaq polıgonynan zardap shekkenderge eskertkish ornatyldy.

Semeı ıadrolyq synaq polıgonynan zardap shekkenderge arnalǵan eskertkish qurylysyna «Paryz» qoǵamdyq qory qarjy bóldi.