2020 jyl adamzat tarıhynda erekshe bolýda - Prezıdent
«Osy jyl áli aıaqtalǵan joq, alaıda bıylǵy kezeń barsha adamzat tarıhynda erekshe ekenin qazirdiń ózinde senimmen aıtýǵa bolady. Koronavırýs pandemııasy halyqaralyq qatynastarda kóptegen problemalardy ashty, ekonomıkalyq ózara is-qımyldyń qalyptasqan ustanymdaryn qaıta qaraýǵa alyp keldi, jańa áleýmettik tendentsııalardyń negizin saldy, tehnologııalyq ınnovatsııalardy ózektendirdi», - dedi Prezıdent.
Memleket basshysynyń sózine qaraǵanda, memleket ınstıtýty beriktilik pen tıimdilik turǵysynan synaqtan ótip jatyr.
«Osy jaǵdaılarda kóptegen jahandyq ári óńirlik jobalardyń perspektıvalary bulyńǵyr. Keńinen taraǵan ıdeologııalyq jáne fılosofııalyq kontseptsııalar kúrdeli revızııaǵa ushyraýda. Qoǵamdyq tájirıbeler men normalar, sondaı-aq adamnyń minez-qulyq modelderi eleýli transformatsııaǵa tap bolýda», - dedi Qasym-Jomart Toqaev.
Prezıdenttiń paıymynsha, osyndaı daǵdarysty jaǵdaıda kez kelgen memleket turaqtylyqty saqtaý men halyqtyń amandyǵyn qamtamasyz etý úshin óziniń uzaqmerzimdi ulttyq múddesi turǵysynan áreket etedi.
