2020-2021 jyldary ınflıatsııanyń dálizi 4-6 paıyz bolmaq – Rýslan Dálenov

NUR-SULTAN. QazAqparat – Parlament Májilisiniń jalpy otyrysynda Ulttyq ekonomıka mınıstri Rýslan Dálenov aldaǵy bes jyldaǵy ınlıatsııa qandaı deńgeıde qalyptasýy múmkin ekenin aıtty, dep habarlaıdy QazAqparat tilshisi.

«2020-2021 jyldary ınflıatsııanyń jyldyq nysanaly dálizi 4-6 paıyz deńgeıinde saqtalady. Al 2022-2024 jyldary ol dáliz 3-5 paıyz sheginde bolady», - dedi mınıstr eldiń 2020-2024 jyldarǵa arnalǵan áleýmettik-ekonomıkalyq damý boljamyn baıandaý barysynda.

Atap aıtqanda, makroekonomıkalyq boljamnyń negizinde 2020-2022 jyldarǵa arnalǵan bıýdjet parametrler boljamy ázirlendi. Respýblıkalyq bıýdjettiń kiristeri (transfertterdi qospaǵanda) boljam boıynsha 2020 jyly 8,1 trln teńge somasynda, 2021 jyly – 8,7 trln teńge, 2022 jyly 9,5 trln teńgeni quraıdy.

«Bıýdjet tapshylyǵy 2020 jyly jalpy ishki ónimge qaraǵanda 2,1 paıyz, keıinnen 2021 jyly 1,5 paıyzǵa deıin jáne 2022 jyly 1 paıyzǵa deıin tómendeýimen josparlanýda. Osy parametrlerdi esepke ala otyryp, respýblıkalyq bıýdjettiń shyǵystary 2020 jyly 12,9 trln teńge, 2021 jyly - 13,2 trln teńge, 2022 jyly 13,7 trln teńge kóleminde boljanýda», - dedi Rýslan Dálenov.

Budan buryn habarlanǵandaı, búgin Májiliste Ulttyq ekonomıka mınıstri Jalpy ishki ónimniń ortasha jyldyq ósý qarqyny 5 jylda 4,4 paıyzdy quraıtynyn málim etti.