2019 jyly Teńiz ken ornynda 29 mln tonna munaı óndirildi

ATYRAÝ. QazAqparat – 2019 jyly Teńiz munaı ken ornynda 29 mln 790 myń tonna munaı óndirildi, dep habarlaıdy QazAqparat tilshisi.

«Atyraý oblysyndaǵy Teńiz ken ornynda óndirilgen munaı kólemi 29,79 mıllıon tonna nemese 237,7 mıllıon barreldi qurady. Bul 2018 jylmen salystyrǵanda joǵary kórsetkish. 2018-de 28,6 mln tonna nemese 228,2 mln barrel munaı óndirilgen. Tabystyń ulǵaıýyna shıki gazdy aıdaý jobasy áser etip, munaı óndirýdiń táýliktik mólsheri 75 000 tonnany qurady (600 000 barrel)» dep málimdedi «Teńizshevroıl» JShS baspasóz qyzmeti.

Kompanııadaǵylar Teńiz ken ornynyń óndiristik qýatyn arttyrýdyń kelesi kezeńi júzege asyp jatqanyn atap ótti. Ol aıaqtalǵan soń óndiris kólemi jylyna 12 mln tonnaǵa artyp, 39 mln tonnaǵa jetedi.