2019 jyly ShQO-daǵy barlyq mektepterde ІT-synyptar ashylady
ASTANA. QazAqparat - Kelesi jyly Shyǵys Qazaqstandaǵy barlyq mektepte ІT-synyptar ashylyp, jumys isteıtin bolady. Bul jaıly OKQ-da ótken baspasóz məslıhatynda Shyǵys Qazaqstan oblysynyń əkimi Danıal Ahmetov məlim etti, dep habarlaıdy QazAqparat tilshisi.
«Rýhanı jańǵyrý» baǵdarlamasy boıynsha «Meniń mektebim» jobasy negizinde barlyq tolyq komplektili mektepte Nazarbaev Zııatkerlik mektebiniń standarty boıynsha qamtylǵan 476 kabınet jáne robototehnıka kabıneti ashyldy», - dedi Danıal Ahmetov.
Oblys ákiminiń aıtýynsha, atalmysh baza mektepterde 277 ІT-synybyn ashýǵa múmkindik bergen. Sonymen birge, bul saladaǵy oqý baǵdarlamasyn oblys pedagogtary daıyndaǵan.
«2019 jyldyń 1 sáýirinen bastap baǵdarlamalaý salasyn tereńdete oqytý úshin Shyǵys Qazaqstandaǵy barlyq mektepterde ІT-synyptar ashylady», - dedi aımaq basshysy. 
Danıal Ahmetovtyń aıtýyna qaraǵanda, ІT-synyptar oqýshylarǵa ınterbelsendi taqtalardy, zerthana jabdyqtaryn, arnaıy jıhazdardy, adam aǵzasyndaǵy fızıologııalyq protsesterdi kórsetetin vızýaldy trenajerlardy paıdalanýǵa múmkindik beredi. Osylardyń kómegimen balalar ІT-tehnologııalarmen baılanysty mamandyqtardy meńgerýge daıyn bolady.
