2019 jyly «Qazposhta» 53 mln halyqaralyq sálemdemeni qabyldamaq

ASTANA. QazAqparat - Zańdy tulǵalar úshin jeńildetilgen taýar eksporty qyzmeti engiziledi. Bul týraly Astanada baspasóz máslıhatynda «Qazposhta» AQ basqarma tóraǵasy Sáken Sársenov málim etti, dep habarlaıdy QazAqparat tilshisi.

«Meniń oıymsha, 2019 jyl Qazaqstan kásipkerleri úshin onlaın taýarlar eksporty rásimderin jeńildetý jyly retinde este qalady. Tıisti zańnamalyq qadamdar eskerildi. Qujattardy paıdalaný Dúnıejúzilik poshta odaǵy tártibinde qaralady, ıaǵnı deklaratsııa retinde qamtylady. Osy oraıda zańdy tulǵalar úshin jeńildetilgen taýar eksporty qyzmetin engizýge jol ashady», - dedi S. Sársenov.

Bul turǵyda eksporttalatyn taýarlardy rásimdeý kezinde klıenttiń «dıalogy» poshta bóliminde ǵana iske asyrylyp, birneshe mınýttyń ishinde atqarylady.

«ıAǵnı kásipker keden qyzmetkerlerimen, salyqshylarmen rásimderdi júrgizbeıdi. Keden organdarynda eksporttyq rásimdeý boıynsha jumystar taýardy jóneltýshiniń qatysýynsyz iske asyrylady. Biz poshta qyzmeti retinde barlyq sharalardy atqaramyz», - dep túsindirdi «Qazposhta» basshysy.

Budan bólek ol 2019 jyly 53 mln halyqaralyq sálemdemeni qabyldaý josparlanyp otyrǵandyǵyn atap ótti. 2018 jyly bul kórsetkish 35 mln bolǵan edi. Sonymen qatar, bıyl Qazaqstan aýmaǵy arqyly tranzıtpen 70 mln sálemdeme jiberý qarastyrylyp otyr.