2019 jyly qazaqstandyqtar 15 myńnan astam altyn quıma satyp aldy

ALMATY. QazAqparat - 2019 jyly qazaqstandyqtar 15 732 altyn quıma satyp aldy, dep habarlaıdy QazAqparat tilshisi.

QR Ulttyq banki halyq úshin tazartylǵan altyn quımalardy satý jáne satyp alý baǵdarlamasyn 2017 jyly bastady.

Ulttyq banktiń habarlaýynsha, 2019 jyly jalpy salmaǵy 469,320 gramm (469 keli) bolatyn 15 732 altyn quıma satyldy.

Baǵdarlama aıasynda quımalar 2017 jylǵy maýsymnan bastap ekinshi deńgeıli bankter arqyly (Qazaqstan Halyq banki, Eýrazııalyq bank, Jýsan banki) jáne 2018 jyldyń jeltoqsanynan bastap aıyrbastaý pýnktteri arqyly satylady. Satý statıstıkasyna súıensek, qatysýshy bankter arasynda Halyq banki kósh bastap tur.

Quımalardyń 5, 10, 20, 50 jáne 100 gramdyq bes túri bar. Kóbine 5 gramdyq altyn quıma satylǵan (32%).

Ulttyq banktiń málimeti boıynsha bir gramm altynnyń quny 18 842,31 teńgeni quraıdy.