2019 jyly kásipkerlerge arnalǵan mobıldik qosymsha iske qosylady
«Kelesi jyly elimizdiń kásipkerleriniń jumysyn tsıfrlyq júıege kóshiremiz, naqty aıtqanda «Atameken services» atty jańa mobıldi qosymsha iske qosylady. Onda aldymen árbir kásipkerdiń jeke elektrondy kabıneti, sonymen qatar quqyqtyq jáne qarjylyq keńes berý,býhgalterlik jáne salyq qyzmeti, kedendik rásimder sýbsıdııalar men granttar týraly aqparattar men qyzmet túrlerin tegin alý múmkindigi qarastyrylǵan», -dedi Abylaı Myrzahmetov.
Mobıldi qosymshanyń taǵy bir artyqshylyǵy bıznes kómekten bólek, memlekettik qyzmetterdi de sol jerden alýǵa bolady, biz turǵyda Úkimetpen kelisimshart jasasyp e-Gov.kz qyzmeti engizilgen, ıaǵnı qandaı da bir anyqtama qajet bolsa, sol jerde barlyǵy qoljetimdi. Qosymsha úsh tilde (qazaq, orys, aǵylshyn) qyzmet kórsetedi.
Abylaı Myrzahmetovtyń aıtýynsha, búginde atalǵan mobıldik qosymsha Astana qalasy, Almaty jáne Aqtóbe oblystarynyń 200 myń kásipkeri arasynda testileýden ótkizilýde jáne tolyǵymen kelesi jyldyń 1 qańtarynan bastap engiziledi.
Sonymen qatar, atalǵan qyzmet túri sheteldik ınvestorlar úshin de qoljetimdi, sol sııaqty qaýipsizdik pen jemqorlyqtyń aldyn alý maqsatynda Call-ortalyq qarastyrylǵan, ol tikeleı Bas Prokýratýra jáne Ulttyqbıýromen baılanystyrady.
Buǵan deıin habarlaǵanymyzdaı, búgin Astanada QR Syrtqy ister mınıstrligi, «Atameken» UKP jáne «KazakhExport» kompanııasy elimizdiń eksport áleýetin odan ári damytý maqsatynda ózara túsinistik jáne yntymaqtastyq týraly memorandýmǵa qol qoıǵan bolatyn.