2019 jyly Qaraǵandyda tórt emhana ashylady
ASTANA. QazAqparat - Bıyl Qaraǵandyda memlekettik-jekeshelik áriptestik baǵdarlamasy boıynsha tórt emhana ashylady. Osy jáne óńirdegi densaýlyq saqtaý salasyndaǵy basqa da jańalyqtar týraly Qaraǵandy oblysynyń ákimi Erlan Qoshanov málimdedi.
«Prezıdent emhanalardyń ashylýyna basa nazar aýdarady. Biz bul máselemen jiti aınalysýdamyz jáne ońtaıly sheshim taptyq - jeke ınvestıtsııalardy tartamyz», - dedi aımaq basshysy.
Ótken jyly oblys ortalyǵynda memlekettik-jekeshelik áriptestik baǵdarlamasy boıynsha eki emhana ashyldy. Osy jyly dál osyndaı shema boıynsha taǵy tórteýi jumys isteı bastaıdy. Sondaı-aq, Qaraǵandyda 300 orynǵa shaqtalǵan zamanaýı kópsalaly klınıka paıda bolady, onyń jobalyq-smetalyq qujattamasy daıyn.
Kóktemde Temirtaý qalasynda emhana qurylysy bastalady. Jezqazǵanda osy jazda aýrýhana qalashyǵyn qalypqa keltirý jumystary aıaqtalady. Onyń aýmaǵynda dıagnostıkalyq ortalyq, tis emhanasy jáne balalar sanatorııi paıda bolady.
Bıyl Qaraǵandy oblysynda dárigerlerge 60-tan astam qyzmettik páter bólinedi.
