2019 jyly Eýrazııa úshin qaterler: ıadrolyq apat, saýda soǵysy, kıberqaýip, konfessııaaralyq shıelenister
Aıta keterligi, zertteý jumysyna álemniń eń úzdik 30-dan astam sarapshysy men saıasatkeri qatysqan. Olardyń pikirine memleket basshylary, halyqaralyq ınstıtýttar men iri BAQ ókilderiniń qulaq asatyndyǵyn atap ótken jón. Sonymen qatar zertteý barysynda 60 memleketten myńnan astam kásibı respondent arasynda saýalnama júrgizilgen.
Sarapshylardyń boljamyna sáıkes óńir úshin tónip turǵan basty jahandyq qaterler mynalar: Qytaı men AQSh teketiresiniń shıelenisýi; keń aýqymdy saýda soǵysy; Taıaý Shyǵystaǵy úlken soǵys; Reseı men Batys arasyndaǵy qarym-qatynastyń odan ary nasharlaýy; Eýrazııadaǵy «shıelenis oshaqtarynyń» qaıta jandanýy; jikshildik, etnos pen konfessııaaralyq shıelenisterdiń ýshyǵýy; ekologııaǵa jáne sý resýrstaryna tóngen qaýipterdiń ýshyǵýy; kınberqaýipterdiń damyp, kúsheıýi; jappaı qarýlanýdy jańa keıpi; iri ıadrolyq jáne tehnogendik apattar qaýpi.
Aıta keterligi, «Astana klýby» álemge tanymal sarapshylary, saıasatkerler men dıplomattardyń basyn qosyp, saıası forým úlgisinde ótetin bedeldi halyqaralyq alań sanalady. Bıylǵy otyrysqa álemniń 30 elinen 50-ge jýyq spıker kelgen. Olardyń qatarynda Aýstrııa, Aýǵanstan, Belgııa, Mysyr, Italııa, Polsha, Portýgalııa, Ulybrıtanııa, Úndistan, Indonezııa, Iran, Ispanııa, Qytaı, Reseı, AQSh, Shvetsııa, Japonııa elderiniń ókilderi bar. Qatysýshylardyń basty nazary daǵdarys pen turaqsyzdyq kezeńinde Eýrazııaǵa tónip turǵan qaýipterdi talqylaýda bolmaq.