2019 jyly elorda bıýdjetine sheteldikterden 1,9 mlrd teńge kiris kirdi

NUR-SULTAN. QazAqparat - 2019 jyly Nur-Sultan qalasynyń bıýdjetine sheteldik týrısterden 1,9 mlrd. teńge tikeleı kiris keldi.

2019 jyly Elordada túrli formattaǵy jáne aýqymdaǵy 600-den astam shara uıymdastyryldy, olardyń 180-i – halyqaralyq deńgeıdegi sharalar. Bul týraly Nur-Sultan qalalyq kásipkerlikti damytý jáne ınvestıtsııalar basqarmasy habarlaıdy.

2019 jyly bas qalada uıymdastyrylǵan eń mańyzdy sharalardyń qatarynda otandyq óndirýshilerdiń «ULTTYQ ÓNIM» kórmesi, Astana ekonomıkalyq forýmy, Azııa jazýshylarynyń І-shi forýmy, Qazaqstan mashına jasaýshylarynyń VII-shi forýmy, Sot basqarýy jónindegi Halyqaralyq qaýymdastyqtyń 14-shi konferentsııasy, 2019 jylǵy Jahandyq Innovatsııalyq Sammıti, PATA TravelMart 2019 halyqaralyq týrıstik kórme, Eýrazııa memleketteri parlamentteri spıkerleriniń IV-shi jıyny, XII KAZENERGY Eýrazııalyq forýmy, DigitalBridge 2019 jáne SeedstarsSummit CEE 2019 forýmdary bar.

Sonymen qatar, aǵymdaǵy jyly Nur-Sultan qalasynda álemniń úzdik sportshylary hokkeı, grek-rım kúresi, erkin jáne áıelder kúresi, grepplıng, kıokýshınkaı karate jáne paýerlıftıng boıynsha álem chempıonattarynda baq synady, trıatlon jáne «Ironman 70.3» álem kýboktarynda jáne «Astana Marafon 2019» sharasynda jarysqa tústi.

Shilde aıynda elordada áýe ındýstrııasy salasynyń 350 ókiliniń qatysýymen RoutesSilkRoad atty áýejaılar men áýe joldarynyń forýmy ótti. Sharanyń qorytyndysy boıynsha Nur-Sultan qalasy jáne Qytaı Halyq Respýblıkasynyń qalalary arasynda jańa reısterdi ashý josparlandy.

Qazan aıynda 80 eldiń 1,6 myń delegatynyń qatysýymen qala týrızmi boıynsha 8 ıÝNVTO Jahandyq Sammıt ótti.

Oqıǵalyq týrızm sheńberinde ótken jyly Nur-Sultan qalasyna 15 myń sheteldik týrıst tartyldy. Olardan kelgen tikeleı kiris 1,9 mlrd. teńgeni qurady.

Kelesi jyly bas shaharda mynadaı iri sharalardy ótkizý josparlanǵan: SmartCity EXPO World Congress, 12-shi BSU-nyń Mınıstrlik konferentsııasy, InvestPro, MachExpoKazakhstan 2020 Bıznes-konferentsııasy, AgriTek Nur-Sultan 2020, Nur-Sultan Mining&Metallurgy Congress (NMM) 2020, TravelExpo Nur-Sultan jáne taǵy basqalary.

Sonymen qatar, FiradeBarcelona kórmelik uıymymen SmartCityExpoWorldCongress kórmesin uıymdastyrý jóninde kelisimge qol jetkizildi.