2019 jyly elimizde jumyssyzdyq 0,1 paıyzǵa qysqardy
«Sizdiń negizgi bergen tapsyrmalaryńyzdyń biri - halyqty jumyspen qamtamasyz etý. Onyń ishinde kópbalaly, az qamtylǵan otbasylardy kásipkerlikke tartý jáne ózderiniń úılerinde eńbekk etýge múmkindik jasaý bar. Ótken jyl memlekettik »Eńbek« baǵdarlamasymen 660 myń adam qamtyldy. Sonyń nátıjesinde 424 myń jańadan jumys orny ashyldy. Onyń 65 paıyzy turaqty jumys orny. 58 myń adam shaǵyn nesıe men tegin grant aldy», - dedi Berdibek Saparbaev El Prezıdenti Qasym-Joart Toqaevqa qarata.
Onyń dereginshe, halyqqa yńǵaıly bolýy úshin Úkimet 83 mobıldy jumys ortalyqtaryn, 54 jekemenshik jumys ortalyqtaryn halyqty eńbekpen qamtýǵa tartty.
«Nátıjesinde jumysssyzdyq 2018 jylmen salystyrǵanda 0,1 paıyzǵa azaıdy. Jumys ornyndaryn qurý kartasynyń aqparattyq júıesi engizildi. Eńbek naryǵynyń talaptaryna sáıkes mamandardy daıyndaý úshin 480 kásiptik standart bekitildi. Kásipkerlikpen aınalysýǵa eń keminde 11 myń az qamtylǵan, kópbalaly otbasylardy tartý maqsatynda nesıeniń stavkasyn 6-dan 4 paıyzǵa, merzimin 5 jyldan 7 jylǵa uzartyldy. Analarǵa grantty oqýsyz alýǵa múmkindik berildi», - dedi ol.
Úkimet basshysy orynbasarynyń aıtýynsha, endi kásiptik oqýlar tek qana jumys berýshilerdiń tapsyrysyna baılanysty júrgiziledi.
«Jahandyq ózgeristerdi eskere otyryp biz 2025 jylǵa deıin eńbek naryǵyn damytýdyń boljamyn, jańa kásipter atlasyn ázirlep jatyrmyz», - dedi B. Saparbaev.
