2019 jyly elimizde memorgandardyń ortaq saıty iske qosylady

ALMATY. QazAqparat - 2019 jyly Qazaqstanda barlyq memlekettik organ úshin biryńǵaı saıt iske qosylady. Bul týraly Almatyda ótken HІ «Medıaquryltaıda» QR Aqparat jáne kommýnıkatsııalar mınıstrliginiń BAQ salasyndaǵy memlekettik saıasat departamenti dırektorynyń orynbasary Bekzat Raqymov taratyp aıtty, dep habarlaıdy QazAqparat tilshisi.

Bekzat Raqymovtyń aıtýynsha, 2019 jyldan bastap mınıstrlikterden aýyl ákimdikterine deıingi barlyq memlekettik organnyń ınternet resýrstary jabylady.

«Saıttar men áleýmettik jeliler - bólek dúnıeler. 2019 jyly memlekettik organdardyń 396 saıtynyń barlyǵy jabylyp, satylaı memlekettik organdardyń aqparattyq resýrstarynyń gov.kz biryńǵaı platformasyna kóshedi. Aqparatty kóshirý kezinde memorgandar saıttary men gov.kz qatar jumys isteıdi. Kóshý protsesi aıaqtalǵan soń memlekettik organdardyń jeke saıttary jabylyp, barlyǵy bir resýrsqa shoǵyrlanady», - deıdi Bekzat Raqymov.

Damyǵan elderdiń úlgisi boıynsha, gov.kz-ke memlekettik organdardyń jumysy, saıasat týraly aqparat, quqyqtyq normalar aktileri shoǵyrlandyrylady.

«Bul aqparattyq resýrs memlekettik qyzmet kórsetpeıdi. ıAǵnı egov munymen qatarlasa óz qyzmetin atqara beredi. gov.kz saıtynyń mindetteriniń biri - memlekettik organdardyń, «sheneýnikter tilin» turǵyndarǵa túsinikti tilge beıimdeý», - dedi ol.
 

Saıtty ázirleý barysynda qaýipsizdik talaptary eskerilgen. Ol jaqsy qorǵalǵan memlekettik serverlerde iske qosylady. Qazir úsh tildi saıtty ázirleý jumystary qyzý júrip jatyr.

«Onyń bıýdjeti týraly aqparat keıinirek jarııalanady, óıtkeni jumys aıaqtalǵan joq», - dep túsindirdi Bekzat Raqymov.