2019 jyly depozıtterdiń dollarlanýy tómendedi – Erbolat Dosaev
«Syrtqy naryqtardaǵy ahýaldyń turaqsyzdyǵyna jáne munaıdyń ortasha jyldyq baǵasy 2018 jylǵy bir barrel úshin 71,7 AQSh dollarynan 2019 jyly bir barrel úshin
64,2 AQSh dollaryna deıin tómendegenine qaramastan, jalpy halyqaralyq rezervter ótken jyly 2,3 paıyzǵa ulǵaıyp, 91 mlrd AQSh dollaryn qurady. Onyń ishinde altyn-valıýta rezervteri – 29 mlrd AQSh dollary, Ulttyq qordyń aktıvteri – 61,9 mlrd AQSh dollary boldy», - dedi E. Dosaev.
Onyń sózine qaraǵanda, aǵymdaǵy shot defıtsıti 2019 jylǵy 9 aıda 4,3 mlrd AQSh dollaryn qurady. Tapshylyqtyń 2018 jylmen salystyrǵanda ulǵaıýy azyq-túlikke jatpaıtyn jáne ınvestıtsııalyq taýarlardyń ımportynyń ulǵaıýy saldarynan jalpy ımporttyń 2,7 mlrd AQSh dollaryna ósýine negizdeldi.
«Ulttyq valıýtadaǵy depozıtter 13,1 paıyzǵa 10,8 trln teńgege deıin ulǵaıdy, shetel valıýtasyndaǵy depozıtter 8,7 paıyzǵa deıin tómendedi. Depozıtterdiń dollarlanýy 2019 jylǵy jeltoqsanda 43,1 paıyzǵa deıin tómendedi», - dep naqtylady UB basshysy.
Onyń aıtýynsha, ótken jylǵy kredıtteý úrdisteriniń ishinen uzaq merzimdi kredıtter portfeliniń 6,5 paıyzǵa nemese 718 mlrd teńgege oza otyryp ósti. Jalpy alǵanda, ekonomıkaǵa berilgen kredıtter 2019 jyldyń sońyna qaraı 13,9 trln teńge boldy.
