2019 jyly Denıs Ten atyndaǵy mánerlep syrǵanaý akademııasy ashylady
ASTANA. QazAqparat - Denıs Ten atyndaǵy mánerlep syrǵanaý akademııasy 2019 jyly ashý josparlanyp otyr, dep habarlaıdy QazAqparat tilshisi.
«Eń aldymen, osy zalda otyrǵan adamdardyń bárine de alǵys aıtqym keledi. Bizdiń prezıdıýmde kezdeısoq adam joq. Bári de Denıske kómektesip, qıyn kezeńderde qoldaý bildirip, birlese eńbek etken adamdar. Dál osy adamdar bizdiń qorymyzdyń ashylýyna muryndyq bolyp otyr. Tamyzda ashylǵan qor Denıstiń josparlary men jobalaryn júzege asyrý úshin qurylǵan. Denıs birneshe sala boıynsha eńbek etip, shyǵarmashylyqtyń san túrinde ózin baıqatqan edi. Mine, sondyqtan, qordyń jumysynda birneshe baǵytty erekshelep aldyq», - dedi Oksana Ten Astanada ótken baspasóz máslıhatynda.
Onyń aıtýynsha, jobalar sheńberinde mýzykalyq dıskiler shyǵarý, Denıstiń ertegileri men óleńderiniń jınaǵyn basyp shyǵarý kózdelip otyr.
«Álbette, jobalardyń qatarynda kórkem fılm shyǵarý da josparlanyp otyr. Kóptegen adamdar osy sharýaǵa erekshe nazar aýdardy. «Soqyr mahabbat» fılminiń stsenarııi bar. Onyń sporttyq mansabynyń basym baǵyttarynyń biri - mánerlep syrǵanaý akademııasyn qurý bolatyn. Biz bul baǵytta jumys júrgizip jatyrmyz. Onyń ashylýy 2019 jylǵa josparlanyp otyr», - dedi Oksana Ten.
Mánerlep syrǵanaýshynyń anasy atap ótkendeı, qor jumysy boıynsha alǵashqy qadamdar jasalyp qoıǵan.
«Biz birneshe Almaty men Astana qalalarynda fotokórmeler uıymdastyrdyq. Ol sharalardyń bárine de halyqtyń yqylasy erekshe boldy. Memorıaldyq taqta Almatyda ashyldy. Onyń ashylýyna aty ańyzǵa aınalǵan Tatıana Tarasova qatysty. Alekseı ıAgýdın men Elena Radıonovanyń qatysýymen birneshe sheberlik saǵaty ótkizildi», - dedi Oksana Ten.
