2019 jyly Astanada djıý-djıtsýden halyqaralyq týrnır ótedi
ASTANA. QazAqparat - Keler jyly djıý-djıtsýden halyqaralyq týrnırdiń Astanada ótetini týraly Shvetsııada ótken konferentsııa barysynda belgili boldy, dep habarlaıdy QazAqparat tilshisi.
"Búgin Malme (Shvetsııa) qalasynda álemniń 52 memleketinen djıý-djıtsý qaýymdastyqtarynyń qatysýymen halyqaralyq konferentsııa ótti. Konferentsııada Astanany tanystyryp ótip, kelesi Grand slemdi qalamyzda ótkizýdi usyndyq. Assambleıaǵa qatysýshylar Astananyń kandıdatýrasyn biraýyzdan qoldady. Keler jyly djıý-djıtsýden bedeldi halyqaralyq týrnırge qatysý úshin bizge 60-tan asa memleketten sportshylar keledi", - dep jazdy Astana qalasy mədenıet jəne sport basqarmasynyń basshysy Bolat Majaǵulov Feısbýktegi paraqshasynda.
Sonymen qatar, B.Majaǵulov halyqaralyq djıý-djıtsý qaýymdastyǵynyń músheleri ony Ortalyq Azııa boıynsha vıtse-prezıdent etip taǵaıyndaǵanyn da aıtyp ótti.
Eske salsaq, Azııa chempıonatynyń qola júldegeri, brazılııalyq djıý-djıtsýden kók belbeýdiń ıegeri Bolat Majaǵulov ústimizdegi jyldyń shilde aıynan bastap Qazaqstan djıý-djıtsý qaýymdastyǵynyń prezıdenti mindetin atqarady.
