2019 jylǵy jazǵy Ýnıversıadaǵa Qazaqstannan qansha sportshy qatysady
NUR-SULTAN. QazAqparat - Týra bir aptadan keıin, ıaǵnı 3 shilde kúni Italııanyń Neapol qalasynda 2019 jylǵy jazǵy Ýnıversıada oıyndarynyń alaýy tutanady, dep habarlaıdy QazAqparat.
QR Ulttyq Olımpıadalyq komıtetinen málim etkendeı, mýltısporttyq dodaǵa 170 eldiń ókilderi qatysady dep josparlanǵan. Atalǵan dodada el namysyn Qazaqstannyń 94 sportshysy qorǵamaq.
«Ýnıversıada oıyndaryna úlken qurammen attanýshylar qatarynda semserlesý sportynyń ókilderi bar. Italııa tórinde 18 noıanymyz baq synaıdy. Sondaı-aq, jeńil atletıkadan - 16, taekvondodan 15 sportshyǵa senim artamyz. Sadaq atýdan- segiz, nysana kózdeý jáne stend atýdan on sportshy attanady. Sporttyq jáne kórkem gımnastıkadaǵy ókilderimizdiń sany - altaý. Sonymen birge, tórt tennısshi, on dzıýdoshy jáne júzý sportynan jeti sportshy Ýnıversıada júldesine talasady», - dep atap kórsetilgen habarlamada.
Esterińizge sala keteıik, osyǵan deıingi, ıaǵnı 2017 jyly Qytaıdyń Taıbeı qalasynda ótken Jazǵy ýnıversıada oıyndarynda Qazaqstan quramasy 16 medal jeńip aldy. Onyń 3-eýi - altyn, 6- kúmis, 7 - qola medal.
