2019 jylǵy úzdik tergeýshi men anyqtaýshynyń kim ekendigi belgili boldy
QARAǴANDY. QazAqparat - B. Beısenov atyndaǵy QR ІІM Qaraǵandy akademııasynda Qazaqstannyń úzdik tergeýshileriniń Respýblıkalyq sleti bolyp ótti. Olar - anaǵurlym kóp qylmystyq isterdi sotqa jibergen, sotqa deıingi tergep-tekserý júrgizý kezinde isterdiń sapasy men zańdylyǵyn qamtamasyz etken qyzmetkerler, dep habarlaıdy QazAqparat tilshisi.
Slettiń qorytyndysy boıynsha 2019 jyldyń úzdik tergeýshisi bolyp Almaty qalasy polıtsııa departamenti Medeý aýdany ІІB tergeý bóliminiń tergeýshisi, polıtsııa kapıtany Sabyrjan Seksenbaev tanyldy.
Al Nur-Sultan qalasynan polıtsııa maıory Áskerbek Muhambetqalıev eń úzdik anyqtaýshy atandy.
Slettiń 40 delegaty ІІM Akademııasynyń stýdentterimen óz tájirıbelerin bólisti. Olar sońǵy kýrstarǵa arnalǵan sheberlik synyptaryn ótkizdi, tergeý qyzmetiniń aımaqtyq erekshelikterin eskere otyryp, praktıkalyq usynystar berdi.
«Іshki ister organdarynda tergeýshiler men anyqtaýshylardyń úlesine jasalǵan qylmystyq istiń 90% tergeý aýyrtpalyǵy júkteledi. 2019 jyly 493 myń qylmystyq is óndiriste bolyp, mundaı júkteme eńbekti utymdy uıymdastyrýdy, ədisti jəne kelisilgen qyzmetti talap etti», - dep atap ótti ІІM Tergeý departamentiniń bastyǵy Sanjar Ádilov.
Іshki ister mınıstrligi tergeý qyzmetkerleriniń jumysyna tıisti jaǵdaılar jasaý baǵytynda, onyń ishinde jalaqylaryn 55% arttyryp, turǵyn úıdi jalǵa alǵany úshin ótemaqy tóleý boıynsha tıisti jumystar atqaryp jatyr.
Sonymen qatar, tergeý qyzmetin jetildirý əleýeti saqtalady. BAQ jəne buqaramen jumys isteýdiń jańa təsilderin meńgerý qajet, jergilikti bólinisterdi joǵary tehnologııalyq quraldarmen qamtamasyz etip, qoljetimdi aqparattyq júıelerdi tıimdi paıdalanýdy uıymdastyrý mindeti tur.
Sletke qatysýshylar tergeý bólinisteri quqyqqorǵaý qyzmetindegi mańyzdy məselelerdi sheshetindigi, kinəsizdik prızýmtsııasyn qamtamasyz etetindigi, sonymen qatar jasalǵan qylmys úshin jazadan bultartpaý qaǵıdatyn saqtaıtyndyǵyn atap ótti. Sondyqtan vedomstvolyq oqý oryndary úshin tergeýshilerdi daıarlaý - jaýapty mıssııa. Qazirgi tańda bes oqý ornynyń ishinde bakalavrıat júıesi boıynsha tergeýshilerdi daıarlaýdy tek ІІM Qaraǵandy akademııasy ǵana júzege asyrady.
Qaraǵandy akademııasynyń bastyǵy Aqynqalı Dármenov óz mamandyǵy boıynsha úzdik dep tanylǵan tergeýshilerdiń kópshiligi – Akademııa túlekteri ekenin málimdedi. Jalpy joǵary oqý orny qurylǵannan beri munda dıplomdy 22 myńnan astam adam aldy.
