2019 jylǵy qańtar-tamyzda qysqa merzimdi ekonomıkalyq ındıkator 104,8 paıyzdy qurady
NUR-SULTAN. QazAqparat - 2019 jylǵy qańtar-tamyzda qysqa merzimdi ekonomıkalyq ındıkator 2018 jylǵy qańtar-tamyzǵa qaraǵanda 104,8 paıyzdy qurady. Bul jaıynda QR UEM Statıstıka komıtetinen málim etti, dep habarlaıdy QazAqparat tilshisi.
Vedomstvo málimetinshe, 2019 jylǵy qańtar-tamyzda negizgi kapıtalǵa salynǵan ınvestıtsııalar kólemi 7360,7 mlrd teńge boldy. Bul 2018 jylǵy qańtar-tamyzǵa qaraǵanda 10,7 paıyzǵa artyq. 8 aıdaǵy ónerkásip óndirisiniń kólemi qoldanystaǵy baǵalarda 19051,7 mlrd teńgeni qurdy. Bbul 2018 jylǵy qańtar-tamyzǵa qaraǵanda 3,2 paıyzǵa kóp. Ken óndirý ónerkásibinde jáne karerlerdi qazýda óndiris kólemi – 3,1, óńdeý ónerkásibinde óndiris – 3,3, elektrmen jabdyqtaý, gaz, bý berý jáne aýa baptaýda – 2,7, sýmen jabdyqtaýda, káriz júıesi, qaldyqtardy jınaý jáne bólýdi baqylaýda 6 paıyz artty.
2019 jylǵy qańtar-tamyzda aýyl, orman jáne balyq sharýashylyǵy jalpy óniminiń (qyzmeti) kólemi 2035,1 mlrd teńgeni qurap, 2018 jylǵy qańtar-tamyzǵa qaraǵanda 3,6 paıyzǵa ósip kórsetti. Osy aralyqtaǵy qurylys jumystarynyń (qyzmetteriniń) kólemi 2218,1 mlrd teńge boldy. Bul 2018 jylǵy 8 aıǵa qaraǵanda 11,8 paıyz kóp.
2019 jylǵy qańtar-tamyzda «Kólik» salasy boıynsha naqty kólem ındeksi 105,5 paıyzǵa ósti. Júk aınalymynyń kólemi 392,8 mlrd tonna shaqyrymdy (kommertsııalyq júk tasymaldaýmen aınalysatyn jeke kásipkerlerdiń júk aınalymy kóleminiń baǵalaýy esebimen) qurap, ótken jylǵy qańtar-tamyzben salystyrǵanda 1,7 paıyz artty. Jolaýshylar aınalymynyń kólemi 193,9 mlrd jolaýshy-shaqyrym boldy. Ósim - 4,8 paıyz.
«Baılanys» salasy boıynsha da naqty kólem ındeksi 103,4 paıyzǵa ósti. «Saýda» salasy boıynsha naqty kólem ındeksi 107,6 paıyzǵa artty. 8 aıda bólshek saýda kólemi 7042,7 mlrd teńgeni qurady. Qańtar-tamyzda kóterme saýda kólemi 15186,2 mlrd teńge boldy.
