2019 jylǵy álemdegi eń sulý áıelderdiń tizimi jarııalandy

1990 jyldan bastap saıt turaqty túrde ótip bara jatqan jyldyń eń sulý áıelderiniń reıtıngisin jarııalap otyrady. Kásibı modelderden bólek, tizimde áıgili aktrısalar men ánshiler, sonymen birge sportshylar, dızaınerler men blogerler de bolady.

Eń kórkem júzdilerdiń tizimin kanadalyq Lola Flenerı túıindep tur. «Elıstiń úıinde qonaqta» atty romantıkalyq komedııa arqyly aty shyqqan ol 100-shi orynda.

Ótken jylǵydaı Bollıvýd sulýlary da kóshten qalyp turǵan joq. Úndistandyq aktrısa Dıpıkı Padýkone 75-shi orynnan, Prııanka Chopra 55-shi orynnan kóringen.

Tizimnen túriktiń ádemi qyzdary da qalyspaǵan. Qazaqstandyq kórermenge tanymal Hande Erchel 21-shi oryndy ıemdense, Ózgıý Kaıa 32-shi, Demet Ózdemır tizimde 94-shi oryn alǵan.

«Taq talasy» serıalynyń ártisterin tizim umyt qaldyrmapty. Ol serıaldaǵy Natalı Emmanýel 63-shi, Sofı Terner 52-shi, al Emılııa Klark 43-shi orynda tur.

«Harrı Potter» arqyly tanylǵan Emma Ýotson 25-shi orynǵa ıe boldy. Aǵylshyn sulýy byltyr «Kishkentaı áıelder» atty fılmge túsken edi.

Reıtıngidegi turaqty oryndaryn Arıana Grande (98-shi oryn) men Selena Gomes (85-shi oryn) saqtap qaldy.

Gollıvýdtyń kórikti áıelderi burynǵysha mıllıondardyń kýmıri bolyp qalyp otyr. Atap aıtqanda, Natalı Portman (61), aýstralııalyq Margo Robbı (59), Lýpıta Nıongo (35), brıtandyq Keıt Bekınseıl (90) tizimnen qalys qalmapty. Sonymen birge, frantsýz aktrısasy Marıon Kotılıar 77-shi, shveds aktrısasy Alısııa Vıkander 84-shi oryn ıelendi.

Palestınalyq telejúrgizýshi Lına Kıshavı 79-shy tur. Qytaılyq ártis ári model Dilraba Dilmurat (tegi uıǵyr) 34-shi orynǵa taban tiredi.

Aıta ketsek, 2018 jyly atalǵan tizimde nomınant retinde qazaqstandyq model Aııa Shalqar usynylǵan edi.

Atalǵan tizimde úzdik úshtikte - taı ánshisi Pranprııa Lalısa Manoban (ońtústikkoreıalyq BLACKPINK tobynyń múshesi, 3-oryn), ızraıldyq model ıAel Shelbıa (2- oryn), taıvandyq model Tzýıý (1-shi oryn).