2019 jylǵa qaraı munaı óndirý kólemi 96 mln. tonnaǵa jetedi - E. Dosaev
ASTANA. QazAqparat -2019 jylǵa qaraı elimizde munaı óndirý kólemi 96 mln. tonnaǵa deıin jetetin bolady. Bul týraly búgin Májiliste «2015-2017 jyldarǵa arnalǵan respýblıkalyq bıýdjet týraly» zań jobasynyń tanystyrylymy barysynda Ulttyq ekonomıka mınıstri Erbolat Dosaev málim etti.
«Energetıka mınıstrliginiń derekterine sáıkes, munaı óndirý kólemi 2015 jyly 81,8 mln. tonnany quraıdy. Bul kórsetkish 2019 jylǵa qaraı 96 mln. tonnaǵa deıin jetedi», - deıdi mınıstr Erbolat Dosaev.
Onyń aıtýynsha, 2015-2019 jyldary bazalyq stsenarıı úshin munaı baǵasynyń boljamdy deńgeıi barreline 90 dollar quraıtyn bolady.
«Jalpy, josparlanǵan ósý parametrlerine qol jetkizýge júrgizilip otyrǵan áleýmettik-ekonomıkalyq saıasat yqpal etedi», - deıdi mınıstr.
