2019 jylǵa qaraı biryńǵaı jelige qosylǵan medıtsınalyq uıymdar úlesi 80 paıyzǵa jetedi
«EYDU standarttarynyń negizinde densaýlyq saqtaý salasynyń ınfraqurylymdary standarttarynyń jańa júıesin, sonymen qatar, densaýlyq saqtaý nysandarynyń qorshaǵan ortaǵa zııansyzdyǵyn, resýrstaryn saqtaý, energotıimdiligi salasyndaǵy standarttardy ázirlep, engizý josparlanyp otyr»,-delingen QR Densaýlyq saqtaý jáne áleýmettik damý mınıstrligi málimetinde.
Biryńǵaı aqparattyq ortany qurý aıasynda aqparattyq júıeler men densaýlyq saqtaý salasynyń resýrstary biriktiriletin bolady, gospıtaldyq aqparattyq júıe engizilip, patsıenttiń elektrondyq densaýlyq pasporty men jeke kabıneti arqyly óz densaýlyqtary týraly aqparatqa qoljetimdilik qamtamasyz etiledi. Sonymen birge, MJS negizinde Mindetti áleýmettik medıtsınalyq saqtandyrý qory men smart-medıtsınanyń tıimdi qyzmet etýi úshin IT-quraldar engizilmek.
Belgili bolǵandaı, gospıtaldyq aqparattyq quraldarǵa medıtsınalyq uıymdardaǵy barlyq úderisterdi avtomattandyrý, medıtsınalyq aqparatty qaǵazsyz tehnologııa arqyly júrgizýdi engizý kiredi.
Sonymen qatar, naýqastardyń dárigerlerge qaralý úshin ózdiginen onlaın-jazylý sharalary, onlaın ýaqyt tártibinde jeke statsıonarlyq kompıýterler men smartfondardy qoldaný arqyly olarǵa keńes berý men baqylaý satylaı engiziletin bolady.
«2019 jylǵa qaraı halyqty elektrondyq densaýlyq pasportymen jáne elektrondyq gospıtalızatsııamen qamtamasyz etý 50 paıyzǵa, biryńǵaı jelige qosylǵan medıtsınalyq uıymdar úlesi 80 paıyzǵa jetetin bolady»,-deıdi vedomstvo ókilderi.