2019 jylǵa qaraı álemdegi jumyssyzdar sany 212 mln. adamǵa deıin ulǵaıady

Bul boljam seısenbi kúni Jenevada jarııalanǵan Halyqaralyq eńbek uıymynyń (HEU) «Jahandyq eńbekpen qamtý jáne áleýmettik múmkindik: 2015 jyldyń úrdisi» baıandamasynda kórinis tapty, dep habarlady TASS .

Zertteý avtorlary atap ótkendeı, aldaǵy jyldary jumyssyzdyqtyń ósýi álemdik ekonomıkadaǵy birneshe faktorǵa: ósimniń báseńdeýi, tabystaǵy teńsizdiktiń ulǵaıýy men turaqsyzdyqtyń artýyna baılanysty bolyp otyr. «2008 jyly daǵdarystyń bastalýynan 61 mln.-nan astam jumys orny joıyldy. Bul bizdiń boljam boıynsha. Jumyssyzdyq onjyldyqtyń sońyna deıin ulǵaıady», - dedi, baıandamany oqyǵan Halyqaralyq eńbek bıýrosynyń bas dırektory Gaı Raıder.

HEU tabystaǵy teńsizdiktiń ósýin boljady. Qazir baı adamdardyń 10% barlyq tabystyń 30-40%, al kedeılerdiń 10% barlyq paıdanyń 2-7% alady. Bul úkimetke degen senimdi úzdi, deıdi zertteýshiler. Bul problema, ásirese, jastar arasyndaǵy jumyssyzdyq tez ósip kele jatqan aımaqtarda ózekti.