2019 jylǵa deıin Qazaqstanda tórt arnaıy fýtbol akademııasy ashylady
ASTANA. QazAqparat - Aldaǵy úsh jylda Qazaqstanda 14-18 jas aralyǵyndaǵy balalar men jasóspirimderdi oqytatyn tórt arnaıy akademııa ashylady. Bul týraly Qazaqstan fýtbol federatsııasy bas hatshysynyń mindetin atqarýshy Erkebulan Hasenov málim etti.
«Bizdiń maqsatymyz - aldaǵy úsh jylda elimizdiń soltústigi men ońtústiginde, shyǵysy men batysynda tórt aımaqtyq akademııa ashyp, 2026 jylǵa qaraı olardyń sanyn 16-ǵa jetkizý. ıAǵnı, árbir aımaqta kem degende bir fýtbol akademııasy bolý kerek. Osy akademııalarda bilim alatyn balalardyń sanyn bes myńǵa jetkizý kózdelgen»,-dedi búgin «Sarap Time» pikirtalas klýbynyń kezekti otyrysyna qatysqan E.Hasenov.
Onyń aıtýynsha, aımaqtyq akademııalar myqty fýtbolshylardy daıyndaý úshin bir júıe quryp beredi. Akademııa oqý úshin 14 pen 18 jas aralyǵyndaǵy talantty balalar men jigerli jigitter irikteledi. Jas fýtbolshylar jyl on eki aı akademııanyń jataqhanalarynda turyp, eki kún jattyǵyp, orta bilim alyp, keshendi jattyǵýlaryn júrgize alady.
