2019 jyldyń qańtarynan kómirdiń satylymyn onlaın baqylaýǵa bolady

ASTANA. QazAqparat - QR Qarjy mınıstrliginiń Memlekettik kirister komıteti (MKK) «Vırtýaldy qoıma» modýli Aqparattyq júıesin iske qosady. ıAǵnı 2019 jyldyń 1 qańtarynan bastap kómirdi satý «Vırtýaldy qoıma» modýli arqyly júzege asyrylatyn bolady, dep habarlaıdy QazAqparat.

MKK-dan málim etkendeı, onlaın-qoıma salyq tóleýshiniń qoımasynda qansha kómir qalǵanyn kórýge, sondaı-aq óndirýshiden (jerqoınaýyn paıdalanýshy) sońǵy tutynýshyǵa deıin otynnyń jyljý tizbegin baqylap otyrýǵa múmkindik beredi.

Budan bólek, taýarǵa kiris qujattaryn toltyrmastan ony satýǵa múmkin bolmaıdy. Bul zańsyz operatsııalar qaýpin barynsha azaıtady.

«Osylaısha, «Vırtýaldy qoıma» modýlin qoldanysqa engizý, kómir naryǵyn anaǵurlym aıqyn etedi jáne kómir óndiretin jáne satatyn kompanııalardyń kóleńkeli aınalymyn aıtarlyqtaı tómendetedi. Sonymen qatar, Qazaqstan naryǵynda áleýmettik qajetti taýardyń tapshylyǵy men qymbattylyǵyna baılanysty shıelenisti azaıtýǵa múmkindik beredi», - dedi MKK-dan.

«Vırtýaldy qoıma» modýlin paıdalanýdyń nusqaýlyqtary jáne vıdeosabaqtar myna silteme boıynsha ornalasqan.