2019 jyldyń 11 aıynda elimizde 806 myńnan astam jeńil kólik tirkeldi
NUR-SULTAN. QazAqparat – 2019 jyldyń 11 aıynda elimizde 806 myńnan astam jeńil kólik tirkeldi. Bul týraly QR UEM Statıstıka komıtetinen málim etti, dep habarlaıdy QazAqparat tilshisi.
«2019 jylǵy qańtar-qarashada Qazaqstan Respýblıkasynda 806 842 jeńil avtomobıl tirkelip, ótken jylǵy tıisti kezeńmen salystyrǵanda 0,7 paıyzǵa azaıdy. Qazaqstan Respýblıkasynda 2019 jylǵy 1 jeltoqsandaǵy jaǵdaı boıynsha tirkelgen jeńil avtomobılderdiń sany 3 768,7 myńdy qurady», - delingen komıtet aqparatynda.
Vedomstvo aqparatyna qaraǵanda, ótken jyldyń 11 aıynda 21 690 adam zardap shekken 14 835 jol-kólik oqıǵasy tirkeldi. 2018 jyldyń 11 qańtar-qarashasymen salystyrǵanda apat deńgeıi 4,2 paıyzǵa artqan.
2019 jylǵy 1 jeltoqsanda jaǵdaı boıynsha saqtandyrý uıymdarymen kólik quraldary ıeleriniń azamattyq-quqyqtyq jaýapkershiligin mindetti saqtandyrý boıynsha 26,9 mlrd teńge somasyna 68 356 saqtandyrý tólemi júzege asyrylǵan.
foto: avtonovostidnya.ru