2019 jyldan bastap 75 mektepte sabaqtar aǵylshyn tilinde júrgiziledi - Qyzylorda oblysy
Keńeste Qyzylorda qalasy Nazarbaev zııatkerlik mektebiniń dırektory, qamqorshylyq Keńestiń múshesi Bahyt Jumataı mektepte atqarylǵan jumystar týraly baıandama jasady. Damý strategııasyna sáıkes zııatkerlik mekteptiń turaqty damýyn qamtamasyz etetin strategııalyq maqsattary men baǵyttaryna jáne mekteptegi bilim berý baǵdarlamasynyń erekshelikterine toqtaldy. Sondaı-aq, ol mektep túlekteriniń shet memleketterdiń joǵarǵy oqý oryndaryna túsý deńgeıine jáne tańdaǵan mamandyqtaryna taldaý jasady. Zııatkerlik mektepte júrgizilgen «Qazaqtyń 100 áni», «100 kitap» sekildi túrli jobalardy onyń tanystyryp, mektep oqýshylarynyń aǵylshyn tilin meńgerý deńgeıine toqtaldy.
- Atqarylǵan jumystar óte aýqymdy, degenmen aldaǵy ýaqytta mekteptiń damýyna baǵyttalǵan jumystar jalǵasyn tabady. Mektep aýlasyn kógaldandyrý, oqýshylarmen birlesip jylyjaı salý, elektr energııasyn únemdeý jáne qoqystardy óńdeý jobalaryn iske asyrý josparda bar. Bul jobalardy kezekti otyrysta qamqorshylyq Keńestiń nazaryna usynatyn bolamyz, - dedi B.Jumataı.
Oblys ákiminiń orynbasary R.Rústemov 2019 jyldan bastap oblystaǵy 75 mektepte sabaqtar aǵylshyn tilinde júrgiziletinin málimdedi. Osy oraıda, búginde jaratylystaný men tehnıkalyq baǵyttaǵy pán muǵalimderdiń tildik daǵdylaryn arttyrýda jáne biliktilikterin joǵarylatýda Nazarbaev zııatkerlik mektepteriniń úles qosýǵa múmkindikteri mol.
- Nazarbaev zııatkerlik mektepterinde oqýshylar qazirden bastap kóptegen pánderdi aǵylshyn tilinde meńgerip jatyr. Ol úshin munda barlyq múmkindik jasalǵan. Osyǵan súıene otyryp, Nazarbaev zııatkerlik mektebi oblystyq bilim basqarmasymen birlesip, áleýmettik joba daıyndap, aımaqtaǵy jalpy bilim beretin mektepterdiń muǵalimderine arnalǵan ashyq semınarlar uıymdastyrý jumystaryn júrgizse degen usynysym bar. Oqý oryndary arasynda básekelestik jasaý arqyly bilim sapasyn arttyrýǵa bolady, - deıdi R.Rústemov.
Budan bólek, qamqorshylyq Keńes músheleriniń ózge de usynystary men pikirleri tyńdaldy. Qamqorshylyq keńes músheleri Qazaqstannyń ıntellektýaldy áleýetin qalyptastyrýda aldaǵy ýaqytta da bir-birimen keńesip jumys jasaıtyndyqtaryn jetkizdi.
Aıta ketý kerek, «Nazarbaev Zııatkerlik mektepteri» derbes bilim berý uıymdarynyń 2020 jylǵa deıingi damý strategııasyna sáıkes, 2015 jyly Qyzylorda qalasyndaǵy Nazarbaev zııatkerlik mektebinde qamqorshylyq Keńesi qurylǵan bolatyn. Keńestiń maqsaty zııatkerlik mekteptiń negizgi damý baǵyttary boıynsha usynystar ázirleý, demeýshilik kómekterdi tartý jáne ony kórsetý bolyp tabylady.
Sondaı-aq, qaıyrymdylyq aktsııalaryn júrgizý, odan túsken qarjylarǵa baqylaý jasaý, turmysy tómen otbasylardan shyqqan oqýshylarǵa materıaldyq kómek kórsetý jáne zııatkerlik mekteptiń atqarylǵan jumystary boıynsha esepti talqylaý keńestiń negizgi prıntsıpterine kiredi. Kezekti otyrys barysynda qamqorshylyq Keńestiń jańa quramy tanystyrylyp, oblys ákiminiń orynbasary R.Rústemov Keńes tóraǵasy bolyp taǵaıyndaldy.
