2019 jyl: Qazaqstan sportshylarynyń erekshe sátteri
NUR-SULTAN. QazAqparat – QR Ulttyq olımpıadalyq komıtettiń saıty 2019 jylǵy Qazaqstan sportshylarynyń erekshe fotosýretterin jarııalady, dep habarlaıdy QazAqparat.
«2019 jyl Qazaqstan sportshylary úshin óte tartysty ótti. Otandyq sportshylar jergilikti, álemdik iri týrnırlerde top jaryp, jankúıerlerdi qýantty. UOK komandasy sizderge arnaıy jyldyń eń mańyzdy sátterinen foto jınaǵyn usynady», delingen habarlamada.
Naýryz aıynda «Shymbulaq» taý shańǵy kýrortynda Qazaqstan sport tarıhynda tuńǵysh ret frıstaıl-mogýldan álem kýbginiń kezeńi ótti. Kil myqtylar Alataý taý bókterinde kezdesip, ózara myqtyny anyqtady.
Al sáýirde Nur-Sultan qalasynda shaıbaly hokkeıden (1 dıvızıon, A toby) álem chempıonaty ótti.
Komandany qoldaýǵa «Barys-arenaǵa» elimizdiń túkpir-túkpirinen sport súıer qaýym jınaldy. Tipti, balaqaılar da jankúıerler arasynan tabyldy.
2019 jyly sý sport túrlerinen ótken álem chempıonaty da jankıúer esinde máńgi qalmaq.
Dál osy dodada Olımpıada chempıony Dmıtrıı Balandın Tokıoda ótetin Olımpıada oıyndaryna joldamany utyp aldy.
Tamyz aıynyń sońy men qyrkúıek aıynyń basynda qazaqstandyq jankúıerler dzıýdoshylar úshin taqym qysty. Sebebi, 25 tamyz ben 1 qyrkúıek arasynda dzıýdodan dúnıejúzilik birinshilik ótip, el quramasy bir qola júldeni jeńip aldy. Atap aıtqanda, Eldos Smetov qorjynǵa qola júldeni saldy.
Aıta keterligi, qola júlde úshin ótken tartysty beldesýde Eldos Smetov komandalasy Ǵusman Qyrǵyzbaevpen kezdesti.
Dzıýdodan keıin Nur-Sultan qalasynda kúres túrlerinen álem chempıonaty jalaýyn jelbiretti. Bul jerde qazaqstandyq sportshylar tek júldeli oryndarmen shektelmeı, Olımpıada oıyndaryna da joldamaǵa ıe boldy.
Qarsylasqa degen qurmet – sportshy ómirinde onyń tárbıesiniń kórinisi bolyp sanalady. «Kil myqtydan, kim myqty» anyqtalatyn tusta tek qana kúsh emes, erik-jiger men qaıtpas qaısar rýh ta synalady.
Sporttyq gımnastıkadan #teamKZ qorjyny taǵy bir Olımpıada lıtsenzııasymen tolyqty. Gımnastshy Mılad Karımı álem birinshiliginde Qazaqstanǵa bir lıtsenzııany syılady.
Jeńistiń jarqyn sátteri men jeńilisten ókinish kernegen tustan kórinister:
Kúndelikti jattyǵý men ótelgen eńbek
Foto: Salı Sabırov, Qazaqstan UOK baspasóz qyzmeti
