2018 jyly jambyldyq polıtseıler 2,2 tonna esirtkini aınalymnan shyǵardy
TARAZ. QazAqparat - Jambyldyq polıtseıler zańsyz aınalymynan geroınniń iri partııasyn shyǵardy, dep habarlaıdy QazAqparat tilshisi Jambyl oblysy polıtsııa departamentiniń baspasóz qyzmetine silteme jasap.
23 qańtar kúni Jambyl oblysy polıtsııa departamentiniń esirtki bıznesine qarsy kúres basqarmasynyń qyzmetkerleri jedel-izdeý sharalarynyń barysynda Baızaq aýdanynyń turǵynyn ustady. Turǵyn úıdi qyzmettik-izdeý ıtiniń kómegimen tekserý barysynda jalpy salmaǵy 1 keli 143 gramm bolǵan «geroın» esirtkilik zaty anyqtalǵan. Atalǵan fakti boıynsha QR 297-babynyń 3-bólimimen sot aldyndaǵy tergeý amaldary bastaldy, kúdikti azamat ýaqytsha ustaý oqshaýlaǵyshyna qamaldy.
Polıtsııada tergeý múddesi úshin ózge aqparat sotaldy tergeý aıasynda taratylmaıtynyn atap ótti.
«Oblystyq polıtsııa departamenti esirtkiniń zańsyz aınalymyna qarsy kúres júrgizý boıynsha keshendi is-sharalar qabyldap otyr. Retke keltirilgen jumystyń arqasynda 2018 jyly esirtki bıznesine qarsy kúreste oń nátıjelerge qol jetkizilgen. Byltyr 2 tonna 252 keli esirtki jáne esirtkilik zattar zańsyz aınalymnan shyǵaryldy, sonyń ishinde 9 kelige jýyq geroın men 129 keli 552 gramm nasha bolǵan», - dep atap ótti Jambyl oblystyq polıtsııa departamentiniń baspasóz qyzmetinen.
Avtor: Galına Skrıpnık
