2018 jyly týrıster úshin eń qaýipti elderdiń kartasy jasaldy
ASTANA. QazAqparat - International SOS medıtsınalyq servıstik kompanııasy saıahatshylar úshin eń qaýipti jáne qaýipsiz elder belgilengen ınteraktıvti karta jasady, dep habarlaıdy QazAqparat.
Kompanııanyń saıtynda ornalasqan kartada memleketter týrıster úshin qaýiptiliktiń deńgeıine baılanysty ártúrli tústermen kórsetilgen.
Saıahattaý úshin asa qaýipti elder qyzyl túspen belgilengen. Olarǵa Sırııa, Malı, Lıvııa, Ońtústik Sýdan, Iemen, Aýǵanstan jáne Somalı jatady.
Týrısterge barynsha qaýipsiz sanalatyn elder jasyl túspen kórsetilgen, olar - Fınlıandııa, Norvegııa jáne Islandııa.
Al Qazaqstan, Reseı, Qytaı, Brazılııa «qaýiptilik deńgeıi tez ózgeretin» elderge jatqyzylǵan.
Sary túspen aıshyqtalǵan Qara teńiz mańynda ornalasqan Túrkııa, Ýkraına sııaqty memleketterdiń qaýiptilik deńgeıi ortasha sanalady.
Qyzǵylt sarymen belgilengen qaýipti elder qatarynda Ózbekstan, Mońǵolııa jáne Afrıkanyń birqatar elderi bar.
