2018 jyly Teńizden 28,6 mln tonna munaı óndirildi
«2018 jyly Atyraý oblysynda «Teńizshevroıl» JShS óndiretin Teńiz ken ornyndaǵy shıki munaı kólemi 28,6 mln tonnany (228,2 mln barrel) qurady. 2018 jyly TShO 1,3 mln tonna suıytylǵan gaz, 9,2 mlrd tekshe metr qurǵaq gaz, 2,5 mln tonna kúkirt óndirgen», - dep habarlady munaı kompanııasynyń baspasóz qyzmeti.
Eske salaıyq, 2016 jyly TShO seriktesteri Bolashaqta keńeıtý jobasy men Saǵa qysymyn basqarý jobasyn qarjylandyrý týraly sheshimdi bekitkenin jarııalaǵan edi.
«Osy jobalar óndiris kólemin jylyna 12 mln tonnaǵa nemese táýligine 260 myń barrelge arttyrýǵa múmkindik beredi. Óndiristiń jalpy kólemi jylyna 39 mln tonnany nemese táýligine 850 myń barreldi quraıdy», - dep túsindirdi baspasóz qyzmeti.
Eske salaıyq, 2017 jyly Teńizde óndirilgen shıki munaı kólemi 28,7 mln tonnany nemese 229 mln barreldi quraǵan bolatyn.
