2018 jyly Shubarkóldiń kómirin óndirý 12 mln tonnaǵa jetkiziledi
Ǵ. Sádibekov kómir basseıniniń jaǵdaıymen jáne damý perspektıvalarymen tanysyp ótti. Onyń ishinde taý-ken jumystarynyń jumys barysyn, suryptaıtyn keshendi jáne kómirdi jóneltý protsedýrasyn qarady.
2017 jyly kásiporyn 10,45 mln tonna kómir óndirip, rekord ornatty, onyń ishinde halyqtyń kommýnaldyq-turmystyq qajettiligine arnalǵan kómir kólemi 3,3 mln tonna boldy. Bul 2016 jylmen salystyrǵanda 100 myń tonnaǵa artyq.
«Shubarkól» AQ áleýmettik kómir shyǵaratyn negizgi jetkizýshi. Eldegi halyqtyń kommýnaldyq-turmystyq qajettiligine kómirdiń úshten bir bóligi dál osy jerde óndiriledi», - dedi vıtse-mınıstr Ǵ. Sádibekov BAQ ókilderine bergen suhbatynda.
2018 jyly kásiporyn 12 mln tonna kómir óndirýdi, onyń ishinde kommýnaldyq-turmystyq qajettilikke 300 myń tonna ósimmen 3,6 mln tonna otyn shyǵarýdy josparlap otyr.
«Shubarkól» AQ ortasha eseppen kúnine 170-180 vagon kómir tıeledi. Kómir elimizdiń barlyq óńirlerine jóneltiledi.
«2018 jyldyń qańtar aıynda ǵana Almaty oblysyna qatty sýyq bolýyna baılanysty 1 055 vagon kómir, Ońtústik Qazaqstan oblysyna 500 vagon kómir túsirildi», - dedi Ǵ. Sádibekov.
