2018 jyly Pavlodardyń 45 aýylyna sapaly aýyzsý jetkiziledi
PAVLODAR. QazAqparat - 2018 jyldyń aıaǵyna deıin Pavlodardyń 46 myń turǵynyn sapaly aýyzsýmen qamtamasyz etý josparlanǵan, dep habarlaıdy «QazAqparat» HAA tilshisi.
«2018 jyldyń aıaǵyna deıin Pavlodardyń 46 myń turǵynyn sapaly aýyzsýmen qamtamasyz etý josparlanǵan. Sonymen qatar biz sý qoljetimdiliginiń kórsetkishin 23,8 paıyzdan 27 paıyzǵa deıin ulǵaıtamyz. 2020 jylǵa qaraı aımaqtardy damytý baǵdarlamasynyń aıasynda ortalyq sýmen qamtamasyz etý obektileriniń qoljetimdiligin arttyryp, turǵyndardyń 62 paıyzyna sapaly aýyzsý jetkizemiz. Halyq sany azaıyp qalǵan aýyldarǵa da aýyzsý qubyryn tartamyz», - dedi Pavlodar oblysynyń jer qoınaýyn paıdalaný, qorshaǵan orta jáne sý resýrstary basqarmasynyń bólim basshysy Maqpal Lepesova.
M.Lepesovanyń aıtýynsha, aýyldarǵa keshendi blok-modýlder (KBM) jáne jeńil sý qubyrlaryn tartý josparlanǵan. KBM 29 aýylǵa qoıylsa, 16 eldi mekenge jeńil qubyrlar tartylady.
«Bıyl respýblıkalyq bıýdjetten 8,1, oblystyq bıýdjetten 1,5 mlrd teńge bólinedi dep josparlanǵan»,-dedi M. Lepesova.
