2018 jyly Pavlodar oblysynda 300 myń sharshyǵa jýyq turǵyn úı qoldanysqa beriledi
ASTANA. QazAqparat - Pavlodar oblysy basshysynyń tapsyrmasy boıynsha qurylys basqarmasy 2018 jyly qoldanysqa engiziletin 241 myń sharshy metr turǵyn úı josparyn 300 myń sharshyǵa deıin ulǵaıtqan, dep habarlaıdy pavlodarnews.kz.
Bul týraly oblys ákimdiginde ótken alqa májilisinde qurylys basqarmasynyń basshysy Rýstem Raıysov aıtty.
«Bıyl paıdalanýǵa beriletin turǵyn úı kólemi 202 myń sharshy metrdi quraýy tıis», - dedi spıker.
«Qarjylandyrýdyń barlyq kózi esebinen on aıdyń ishinde 167,9 myń sharshy metr baspana berildi. 2016 jylmen salystyrǵanda ósim 149 paıyzdy quraıdy. Bul rette, óńir basshysy ótken jylǵy 149 paıyz maqtan etetindeı kórsetkish emes ekenin aıtty. Sebebi, turǵyn úı qurylysyn paıdalanýǵa berý reıtınginde Pavlodar oblysy kósh sońynda tur. Budan basqa, qurylysqa kedergi bolatyn birneshe sebepter bar. Bul - óz jumysyn adal atqarmaıtyn merdigerler, quqyqtyq bazanyń álsiz daıyndyǵy, zańgerlerdiń sapasyz jumysy, memlekettik satyp alýlardyń uzaqqa sozylýy jáne taǵy basqa jaǵdaılar. Naýryz aıyna deıin barlyq konkýrstyq protsedýralardy aıaqtaýdy tapsyramyn», - dedi Bolat Baqaýov.
«Qurylys basqarmasyn tek qana qurylyspen aınalysý úshin avtomobıl joldary basqarmasynan arnaıy jeke bóldik. Sizderde 45 mıllıard teńgeniń 53 memlekettik satyp alý protsedeýrasy bar. Bul máseleni naýryz aıynda sheshýge tıissizder. Merdigerler materıaldardy satyp alyp, jumysqa daıyndyqty bastaýy kerek».
Aımaq basshysynyń aıtýynsha, qazirgi tańda memlekettik satyp alýǵa qatysatyn jekemenshik kompanııalar aldyn ala jumysqa daıyndalmaıdy. Sebebi, konkýrsta jeńiske jete me, joq pa, ony bilmeıdi. Al, tenderdi alǵan shaǵyn fırmanyń qajetti jumys kúshi ne tehnıkasy, qurylys materıaly bolmaıdy.
«Onda óz aqshalaryńyzdy bólińizder, bizde resýrs jetkilikti», - dedi Bolat Baqaýov.
«Jobalaryńyz bolsa, konkýrs ótkizińizder, qurylysty bastańyzdar. Bul baǵytta jumysty kúsheıtý kerek. Qalalar men aýdandardyń ákimderi qurylys boıynsha qandaı qıyndyqtar bar ekenin aıtsyn. Kezdesýdiń sońynda oblys ákimi aýdandar men qalalardyń ákimderine «ZJBI Temirtas Pavlodar» úı salý kombınatymen birlesip kópqabatty jáne jeke turǵyn úı qurylysyna paneldi úı salý jobasyn ázirleýdi tapsyrdy.
